После Миличиќ, Србија би можела пак да има пик на драфт во Топ 5
4 мај 2024
- Осумнаесет годишниот плејмејкер Никола Топиќ, роден во 2005-та во Нови Сад, кариерата ја почнал во новосадскиот клуб Дифенс, па во јуни 2020-та потпишал стипендиски договор со Црвена Звезда.
- Белградскиот клуб го прати на неколку позајмици, а посебно успешна му беше онаа во Мега Баскет од каде потекнува и Никола Јокиќ. Никола Топиќ покажа раскошен талент поради што Црвена Звезда го врати во своите редови, а сега се спрема за летниот НБА драфт.
- Негов менаџер е светски познатиот агент Мишко Ражнатовиќ кој се грижи за кариерата на преку 100 врвни кошаркари меѓу кои и Никола Јокиќ. Белградскиот печат пишува дека на Топиќ му се предвидува Топ5 пик на драфтот. Последен кој беше вака високо котиран и на крај беше избран како втор пик на драфтот беше Дарко Миличиќ во 2003-та.
