- И едните и другите потајно посакуваат да се пробаат фудбалски на терен, иако голем дел од тамошната јавност пред секоја ждрепка сака Динамо Загреб и Црвена звезда да се избегнат поради голем безбедносен ризик.
- Сега откако и двата најголеми клуба од регионов испаднаа од трката за Лига на шампиони, ќе играат во Лига Европа, односно на Црвена звезда ѝ останува вечерва рутински да го одработи реваншот со Викторија Плзењ во Чешка откако дома победија 3-0.
- Динамо Загреб во квалификации за Лига на шампиони изгуби 3-1 на реваншот со норвешки Викинг и ќе игра во Лига Европа. Ако и српскиот шампион обезбеди место во Лига на Европа, нема да има пречки двата клуба да се сретнат во ждрепката. Црвена звезда и Динамо Загреб би биле во вториот барабан, а интересно е што двата тима имаат идентичен коефициент на УЕФА – 46.500. Тоа значи дека потенцијалниот дуел меѓу двата некогаш големи југословенски ривали е сосема реална опција.
- Уште се памети неодиграниот натпревар кога Црвена звезда и Динамо се сретнаа во мај 1991 година кога избија фамозните нереди на „Максимир“. Тогаш се случи и култното маја-гери на Звонимир Бобан против еден полицаец. Бобан тогаш беше играч а сега е претседател на Динамо Загреб.
- После фамозниот прекин, Динамо и Звезда се сретнаа уште три пати: прво во 14. коло од сезоната 1990/1991 (Звезда славеше 1-3), после на турнир во Мостар во февруари 1991 (Звезда победи 1-0) и накрај во 33. коло од првенството, на 18-ти мај 1991 кога Динамо победи 3-2.
- 33-годишниот Златко Трипиќ кој е роден во Ријека но од '90-те години со неговите се преселил во Норвешка, целата своја кариера ја поминува во Скандинавија, со мали излети во Гројтер Фурт во Германија и Ѓезтепе во Турција.
- Тој е најзаслужен што Викинг влезе во Лига на шампиони затоа што даде гол против Динамо Загреб во плејофот за пласман во елитното друштво и ги исфрли „модрите“ со неколку асистенции во двата натпревари.
- Против Баерн Минхен синоќа намести два гола и го „намести“ Мајкл Олисе да добие црвен картон зошто Французинот испровоциран го удри со топка во лице откако веќе секунда претходно доби прв жолт картон.
- „Трипиќ играше како расипник! Сакаше да победи по секоја цена, наседнавме на неговите провокации и за жал го доби тоа што го сакаше. Дали клубот ќе го казни Олисе? Ќе видиме, ќе разговараме кога ќе се оладат главите“, вели Макс Еберл спортскиот директор на Баерн Минхен.
- А Хари Кејн за Трипиќ рекол „дека е лукав играч кој сака да се влечка по теренот и да троши време“.
- „Така кажал? Супер! И тој е неверојатен во сето тоа и знае колку лукавство е потребно. Успеавме да му влеземе под кожа на Олисе. Кога го исклучија повеќето играчи на Баерн почнаа да ми викаат и да ми пцујат се по список. После сè што се случи не се усудив да влезам во нивната соблекувална да побарам дрес. Сјајно е што таков играч кој еден ден сигурно ќе ја освои Златната топка, се нервира поради дечко од Офтебро и Лингдал“, вели Златко Трипиќ кој се гордее како ги навлекол и провоцирал Баварците.
- Женската фудбалска репрезентација на Македонија до 19 години, го совлада Косово на гости со 3:1 на контролен натпревар.
- Избраничките на селекторот Кирил Изов поведоа со голот на Меланија Грозданова во 5 минута, а на 3 минути пред крајот на првиот дел Олса Мачастена израмни на 1:1.
- На стартот од вториот дел Теона Галабовска и донесе предност на Македонија од 2:1, а конечните 3:1 ги постави Грозданова со погодокот во 89. минута од натпреварот.
