- Шпанска Ла Лига го одобрила барањето на Валенсија и Леванте викендов да не играат фудбал поради стравичниот пожар кој во четвртокот во Валенсија однел најмалку 5 лица а по 15 сè уште се трага.
- Пожарот избувнал во два стана од една зграда и набрзо го зафатил целиот блок. Фудбалскиот клуб Валенсија во соопштение изразил длабоко жалење за настанот и упатил сочувство до семејствата на настраданите. Сочувства изразиле Реал Мадрид, Барселона и други шпански клубови.
- Валенсија требаше во сабота да гостува кај Гранада а второлигашот Леванте требал да ја пречека Андора седум часа подоцна.
- Еден од најдобрите фудбалери во историјата на Атлетико Мадрид, 34-годишниот Французин Антоан Гризман е на прагот од заминување од црвено-белиот дрес а како следна можна дестинација се споменува Орландо Пајратс во МЛС лигата во САД.
- За Атлетико Мадрид Гризман одигра 480 натпревари до сега на кои постигна 210 гола и имаше 95 асистенции со што е најдобар стрелец во историјата. За Атлетико Мадрид игра во два мандати, од 2014 до 2019 и од 2021 до сега сезонава 2025/2026.
- Тој ја започна кариерата во младинците на Реал Сосиедад од каде се пресели во Атлетико Мадрид во јули 2014-та. Играше уште и за Барселона во рекорден трансфер од 120 милиони евра а потоа се врати назад дома во Атлетико каде е сакан од навивачите.
- Според документите до кои дојде Gol.mk, од австриски обложувалници стигна сигнализација за нетипично зголемување на уплата на исходот на натпреварот од минатата сезона на Втората македонска фудбалска лига помеѓу Башкими и Вардар Неготино, одигран на 24 март 2025 година, кој заврши со победа на домашната екипа со 5-2.
- Според информацијата на ланецот на обложувалници во Австрија, извршени се 14 уплати од четири сметки во Австрија за различни игри и за само 40 минути била обезбедена добивка од 40.000 евра.
- Gol.mk пишува дека оваа информација веќе пристигнала до македонската полиција, која ги известила Обвинителството во Куманово и соодветните инстанци. По прегледување на IP адресите на лицата кои ја извршиле уплатата, наводно сомнежот е насочен кон лица блиски до сопствениците на Башкими.
