Offside › Набрзинка

Почнува Индијан Велс, кој ќе игра од врвот на тенискиот свет?

3 март 2026

Првиот голем Мастерс 1000 во сезоната ќе се игра во култниот Индијан Велс каде ќе се соберат најдобрите тенисери на денешницата. Прв фаворит за титулата е светскиот рекет бр.1 Шпанецот Карлос Алкараз кој има два шампионски трофеи од 2023 и 2024.
Алкараз ќе почне од 2. коло каде ќе се сретне со подобриот од дуелот Теренс Атман - Григор Димитров.
На Индијан Велс ќе играат и петкраниот шампион на овој турнир Новак Ѓоковиќ, Јаник Синер, Димитар Медведев (ако стигне од Дубаи во САД на време), Александар Зверев, Лоренцо Музети, Андреј Рубљов, Феликс Ожа-Алијасим, Џек Дрејпер, Хурберт Хуркач, Карен Хачанов, Јакуб Меншик, Бен Шелтон и други...
Новак Ѓоковиќ има мошне тешка ждрепка. Почнува од 2. коло и уште тогаш може да налета на незгодниот Џовани Перикар, тенисер со најсилен сервис на свет во денешниот тенис. Французинот (22) е висок 2,01 метар и има разорен сервис понекогаш и до 240 км на час. Минатата година стана рекордер на Вимблдон со испален сервис од 246 км/час.
Кај жените фаворит број 1 е најдобрата светска тенисерка Арина Сабаленка, но ќе има големи ривалки на теренот во Елена Рибакина, Џесика Пегула, Елина Свитолина, Наоми Осака, Коко Гауф, Ига Швјонтек и Викторија Мбоко. Титулата ја брани младата Русинка, минатогодишната шампионка Мира Андреева.

извор

Неста: Син ми никогаш не ја гледал Италија на Светско, а има скоро 18 години

29 јули 2026

Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
„Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.

извор

Гибралтар, Сан Марино и Македонија, тие сме

29 јули 2026

На рангирањето на УЕФА, Македонија е во група од седум земји кои моментално останаа само со еден претставник во Европа.
Македонскиот фудбал на клупски план моментно е во ранг со земји како Лихтенштајн, Малта, Гибралтар, Црна Гора, Велс и Сан Марино.
Вардар испадна од Рига, а Силекс од Динамо Минск во квалификациите за Конференциска лига. Само Шкендија уште е во игра на меѓународна сцена. В четврток во Скопје ќе играат реванш дуел против Браво од Словенија, кој има предност од 2:1 од првиот дуел.

извор