photo: EpaImages
- Еден од најдобрите тренери на сите времиња, трофејниот Пеп Гвардиола минува низ не баш идеален период со својот Манчестер Сити. За првпат во својата тренерска кариера испадна во осминафинале на Лига на шампиони каде игра 16 сезони по ред.
- Сити и Гвардиола испаѓаат четврти пат од Реал Мадрид а трета сезона по ред ги елиминира Карло Анчелоти. Поради ова навивачите на Реал синоќа при триумфот 3-1 на реваншот, му пееле на Пеп: „Остани, остани“.
- „Да, да, да! Сакам да продолжам во Манчестер Сити“, одговорил Гвардиола на прашање на еден новинар. Тренерот има договор со Сити до 2027, на крајот од минатата година го потпиша новиот договор.
- Во Серија А има голема тренерска вртелешка летово. Масимилијано Алегри е старо-нов предводник на Милан, Џан Пјеро Гасперини отиде во Рома а на негово место Аталанта денес го постави хрватскиот тренер Иван Јуриќ.
- На големо изненадување на италијанската јавност, Аталанта се реши за Јуриќ и му дала 2-годишен договор. Јуриќ (49) досега водеше неколку италијански клубови меѓу кои Кротоне, Џенова, Палермо и Торино. Беше неколку месеци во Саутемптон каде забележа бројни порази и доби отказ од тимот кој испадна во втора лига.
- По сјајните златни одличја на РК Вардар 1961 кој стана двократен европски шампион во Лига на шампиони и ЖРК Кометал Ѓорче Петров кој исто ја освои европската титула, РК Алкалоид денес стана првак во Европскиот Куп на ЕХФ.
- По одлука на Европската куќа на ракометот, епилогот од реванш мечот меѓу Алкалоид и АЕК е службена победа на скопскиот тим 20:0 што значи дека „фармацевтите“ се нови шампиони во Европскиот Куп.
- Кире Лазаров стана прв македонски тренер со освоен европски трофеј. Претходно Вардар 1961 го водеа Раул Гонзалес и Роберто Гарсија Парондо до евро-титулите а Кометал Ѓорче Петров освои со рускиот стратег Александар Панов.
