- Американецот Ти-Џеј Шортс кој настапува за македонската репрезентација е цел на Панатинаикос. Грчкиот тим кој ја изгуби европската круна на Фајнал Форот во Абу Даби изминатиов викенд (пораз од Фенербахче во полуфинале и од Олимпијакос во дуел за 3. место) е решен да го засили составот. Спортскиот директор на ПАО Сани Бечировиќ потврдил дека постои контакт со претставниците на Ти-Џеј Шортс.
- Врвниот Шортс одигра фантастична сезона со дебитантот Париз и беше еден од најдобрите кошаркари во Евролига сезонава. ПАО веќе го има МВП-то на сезоната, Кендрик Нан и евентуално впарување со Шортс би направил најсилен тандем во Европа.
- Во меѓувреме Никола Миротиќ потпиша 2-годишен договор со Монако и ќе стане нов играч на европскиот вицешампион кој изгуби од Фенербахче во големото финале. Миротиќ заминува од Милано, а трансфер-бомба спрема и Олимпијакос кој го сака Србинот Василије Мициќ кој е во НБА тимот Феникс Санс.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
