- Новиот претседател на ФФМ, Масар Омерагиќ најави дека нема да има смена на селекторската функција, тоа може да се случи само ако резултатите во иднина не бидат добри.
- „Немам намера да влечам нефудбалски потези. И покрај кризата во играта, ние бевме први во групата. Во март започнуваме со квалификациите, не планирам никакви промени, се ќе зависи од резултатите и игрите понатаму“.
- „Не мислам само за враќање на Ристовски и Адеми, туку на сите кои поради нешто не играат за репрезентацијата. Македонија е мала земја, ние мора да ги искористиме сите играчи. Тие двајца се прекрасни луѓе и фудбалери кои играат во Лигата на шампионите. Мора да се разговара со нив, а со разговор за се ќе се најде решение. Интересот на Македонија и на селекцијата е на првото место, а потоа е се останато“, изјави Омерагиќ
- Родриго Де Пол од Атлетико Мадрид и официјално е нов играч на Интер Мајами каде оди на позајмица.
- 31 годишниот играч од среден ред помина четири сезони во Атлетико откако претходно играше во Удинезе. За тимот на Диего Симеоне, тој одигра 187 натпревари на кои имаше 14 гола и 26 асистенции.
- Де Пол важи за голем борец и пријател на Меси со кои заедно го освоија Светското 2024.
- Таеквондистката Душица Бреслиева остана без медал, откако загуби во четвртфиналната рунда од Карла Сесар од Шпанија со 0:2. Претходно ја забележа првата победа за Македонија на боречките спортови, откако ја совлада Матеа Јакобсен од Норвешка со 2-0, а во втората рунда триумфираше и против Украинката Анастасија Хаиворонска со 2:1.
- И двете македонските репрезентации доживеаја порази од Словенија во Баскет 3х3. Девојките беа совладани со 6:16, додека момчињата загубија со резултат 15:21.
- Македонскиот кајакар Кристијан Смилев го освои осмото место во финалната трка во дисциплината К1-слалом во поединечна конкуренција, пристигнувајќи на целта со време 1:47,64.
- Во трката на Матка, златниот медал му припадна на Марек Кулчучки од Полска, среброто го освои Австриецот Макс Штрајнбренер, а бронзата се најде на градите на Јохан Шмит од Германија.
