Offside › Набрзинка

Омерагиќ: Не планирам да го менувам Милевски и мора да се разговара со Ристовски и Адеми

22 декември 2024

Новиот претседател на ФФМ, Масар Омерагиќ најави дека нема да има смена на селекторската функција, тоа може да се случи само ако резултатите во иднина не бидат добри.
„Немам намера да влечам нефудбалски потези. И покрај кризата во играта, ние бевме први во групата. Во март започнуваме со квалификациите, не планирам никакви промени, се ќе зависи од резултатите и игрите понатаму“.
„Не мислам само за враќање на Ристовски и Адеми, туку на сите кои поради нешто не играат за репрезентацијата. Македонија е мала земја, ние мора да ги искористиме сите играчи. Тие двајца се прекрасни луѓе и фудбалери кои играат во Лигата на шампионите. Мора да се разговара со нив, а со разговор за се ќе се најде решение. Интересот на Македонија и на селекцијата е на првото место, а потоа е се останато“, изјави Омерагиќ

20 декември 2024

На списокот има 20 ракометари и сите доаѓаат од домашното првенство, а за првпат по 16 учества на големи натпреварувања (осум на ЕП и осум на СП), Македонија ќе нема интернационалци во составот.
На поширокиот имаше тројца, Талески од Бенфика, Карапалевски од Ваљадолид и Томовски од Потсдам, но ниту еден од нив не се најде на скратениот список, со тоа што чуварот на мрежата е меѓу резервите.
Од повиканите ракометари 12 се од Алкалоид, 6 од шампионот Еурофарм Пелистер и двајца од Вардар.

19 декември 2024

По неуспешното собрание на КФМ, поранешниот македонски репрезентативец, Младен Ѓуроски, преку соопштение изјави дека Перо Антиќ од вчера не е предводник на макбаскетот.
Тој посочи дека Антиќ можеби формално уште ја има функцијата на претседател, но го нема тоа што е најважно, односно легитимитетот од клубовите.
Ѓуроски, кој е кандидат за нов претседател на КФМ, има поддршка на повеќе од 85 отсто од клубовите во Македонија.