Одлучено на кој стадион Италија ќе ја пречека Македонија
10 декември 2021
- Иако голем дел од важните дуели италијанската репрезентација најчесто ги игра во Рим („Олимпико“), Милано („Сан Сиро“) или Торино („Алијанц Јувентус Арена“), за баражот со Македонија, италијанската фудбалска федерација (FIGC) се реши да смени.
- На 24 март 2022 од 20:45 ќе играме во Палермо на стадионот „Ренцо Барбера“.
- Палермо веќе одамна не е прволигаш, ниту игра во втората Серија Б, туку е третолигаш во Серија Ц кој има аспирации да влезе во втора лига по стечајот и моментите пред гаснење на клубот пред неколку месеци.
- „Разговаравме со Манчини (селекторот на Италија) и го одбравме Палермо. Сакаме да градиме и да почнеме од сега, еден важен настан кој ќе го инволвира градот Палермо и Италија. Имаме намера да завршиме една прекрасна сезона која кулминираше со победа на Европското“, изјавил претседателот на Италијанската фудбалска федерација Габреиеле Гравина.
- Интересно, Италија на стадионот „Ренцо Барбера“ во Палермо има учинок од 13 победи, 1 нерешена и само 1 пораз.
- Главниот град на Сицилија е омилен за Аѕурите кои иако ретко играле таму (15 пати низ историјата), имаат сосема добар учинок. Изгубиле само еднаш и тоа во квалификациите за Евро 1996 од Хрватска (1:2).
- Последен пат Италија играла на „Ренцо Барбра“ со Ерменија во квалификациите за Евро 2020 (18 ноември 2019) и славеа невозможен триумф од 9:1. Тогаш Аѕурите буквално го прегазија ривалот.
- Капацитетот на стадионот на Палермо, град кој одамна не гледал добар прволигашки фудбал е 36.000 седечки места но со сегашните препораки за максимум 75% од капацитетот на стадионите во Италија, во март во Палермо мечот ќе може да го следат 27.000 гледачи отприлика.
- Македонија во моментов е меѓу земјите кои се на црна листа за влез на нивни граѓани во Италија, поради Ковид рестрикциите. Дали до март работите поволно ќе се сменат и нашите фудбалери ќе може да имаат гласна поддршка останува да се види.
