- Најдобрата македонска таеквондистка, Милијана Рељиќ освои бронзен медал на таеквондо турнирот Фуџурија Г2 Опен во Обединети Арапски Емирати.
- Поради добрата висока ранг позиција, Рељиќ не тргна од првото коло туку од второто. Нашата Мила прво ја победи Ју Јеук Жан од Хонг Конг со 2-0 во рунди, потоа во борбата за бронза ја совлада Олимпијката Нада Ларај од Мароко исто со 2-0 во рунди.
- „Со оваа победа Мила ја докажа светската и олимписката класа дека може да победи која било противничка на планетава. Во полуфиналето се сретна со Иранката Косар Асасех, но по само 10 секунди борба Мила, повторно истегна мускул и поради повреда мораше да ја предаде борбата. Како и да е, ова се нови високи 7.20 поени за олимписката и светската ранкинг листа. Мила фуриозно ја почнува оваа сезона со БРОНЗЕН медал на еден од најсилните турнири во Азија“, објаснува нејзиниот тренер Александар Ефтимов.
-
- Тој изрази и огромна благодарност до министерот за спорт, Борко Ристовски кој во целост ги покрил сите финансиски трошоци за овој турнир за Фуџарија и за следниот натпревар во Инсбрук, Австрија.
- Младата Јана Атанасовска која го држи рекордот за најдобар остварен резултат во историјата на македонското алпско скијање во женска категорија со освоени 30,56 поени ќе биде една од четворицата македонски олимпијци кои ќе се појават на ЗОИ 2026 во Милано и Кортина (од 2-ти до 22-ри февруари).
- Покрај неа тука се уште и најискусниот Ставре Јада кој има веќе две Олимпијади зад себе, во Пјонгјанг 2018 и во Пекинг 2022-ра и ќе настапува во крос-кантри дисциплина, и Виктор Петров кој би требало да учествува во велеслалом и слалом наместо претходно најавениот Мирко Лазаревски.
- Ана Цветановска дебитираше во Пекинг 2022 на едни од најдобро организираните Зимски Олимписки Игри во историјата, па ова за неа ова ќе бидат втори Игри. Цветановска е единствена претставничка во норидско трчање а на неодамна завршениот Балкански Куп во иста дисциплина освои 5-то место во жестока конкуренција.
- Рајо Ваљекано одигра одличен натпревар пред преполн „Сантијаго Бернабеу“ и витешки му се спротивстави на големиот Реал Мадрид. Имаа 1-1 и бод до самиот финиш кога играа и со двајца исклучени играчи помалку, но дури во 90+10' минута судијата Дијаз де Мера свирна пенал за Реал Мадрид кој го искористи Килијан Мбапе за победа 2-1.
- Оваа спорна одлука на судиите ги разбеснаа гостинските фудбалери, тренерот и управата. Спортскиот директор на Рајо Давид Кобењо бил бесен на судијата па според извештајот на делегатот тој во повеќе наврати им се дерел на судиите: „Со вас е иста приказна секој натпревар!“.
- Кобењо ги навредувал и пцуел судиите и сега го чека казна од шпанската фудбалска кралска федерација.
