Offside › Набрзинка

Неверојатниот Митро го однесе Фулам во Премиер лига

20 април 2022

Српскиот репрезентативец Александар Митровиќ со нови два гола му донесе нов триумф на Фулам. Со победата од 3:0 над Престон Норт Енд, Фулам и теоретски осигура едно од двете места кое директно водат во Премиер лига.
Фулам веќе стигна до огромни 82 освоени бода на 42 меча, а најзаслужен за враќањето во богатата елита е Александар Митровиќ кој на своето конто веќе има надреални 40 гола во англискиот Чемпионшип!
Митровиќ постави рекорд кој тешко дека некој ќе го достигне во скоро време а со неговите голови Фулам веќе трет пат низ годиниве се враќа во Премиер лига.

20 мај 2025

Јирген Клоп сензационално се поврзува со нова тренерска работа во италијанската престолнина.
Угледниот италијански весник Ла Стампа тврди дека легендарниот стратег на Ливерпул, во неделата на 18 мај во 22:57 часот му дал согласност на претседателот на Рома, Ден Фридкин.
Се зборува за голема револуција во составот, кој ќе претрпи бројни промени, а советник на Клоп ќе му биде токму Раниери.
Клоп лани се повлече од тренерската улога и стана координатор на клубовите на Ред Бул.

20 мај 2025

Утрово изненадувачка вест стигнува од Фудбалскиот сојуз на Србија кој до српските медиуми пласирал вест дека репрезентацијата на нашиот северен сосед ќе ја пречека велесилата Англија на новиот стадион во Лесковац.
Интересно стадионот „Дубочица“ има капацитет од само 8.000 гледачи. За разлика од белградските стадиони „Рајко Митиќ“ и стадионот „ЈНА“ кои редовно се полу-празни кога на нив игра српската репрезентација, стадионот во Лесковац секогаш е преполн до последно место.
Натпреварот Србија - Англија во рамки од квалификациите за Светско првенство 2026 е закажан за 7-ми септември. Претходно селекторот Драган Стојковиќ и Србија ги чека исклучително тешко гостување во Тирана против Албанија на почетокот на месец јуни.