- Дваесет и седум годишниот голман на репрезентацијата на Црна Гора и англиски Милвол, Матија Шаркиќ рано утрово починал во апартман во Будва откако му се слошило.
- Шаркиќ пред само десет дена бранел одлично на голот на Црна Гора на мечот против Белгија. Тој се родил во англискиот град Гримбзби во 1997-ма година а кариерата ја започнал во младинските категории на белгиски Андерлехт.
- Потоа бранел во Астон Вила, Виган, Стратфорд, Ливингстон, Вулверхемптон, Шрузбери, Бирмингем, Стоук и Милвол.
- Во Милвол стигнал во август минатата година и сезонава имал 33 натпревари од кои на 12 не примил гол. За Црна Гора дебитирал на меч со Белорусија во 2019-та година. Црногорскиот фудбалски сојуз и соиграчите на Шаркиќ како и Милвол се простуваат од младиот голман.
Фото: Epa images
- Македонскиот репрезентативец Елиф Елмас повторно ја пронајде својата стара форма и игра одличен фудбал во италијанска Серија А каде во јануари премина како позајмен играч во Торино од Ред Бул Лајпциг.
- Елмас е доведен на заем со право на откуп од 17 милиони евра а управата на Торино е се поблизу до одлуката да го откупи договорот на македонскиот фудбалер од германскиот клуб. Елиф не се наигра фудбал во Лајпциг, често беше на клупата за резерви а понекојпат ни таму.
- По враќањето во Серија А, некогашниот фудбалер на Работнички, Фенербахче и Наполи со кого освои шампионско скудето, постигна дури 4 гола од кои 3 на гостински терен.
- „Елмас постигна одличен гол, ќе се обидеме да го откупиме и ќе се обидеме да дадеме се од себе, но ќе видиме по крајот на првенството што ќе биде“, рекол претседателот на „биковите“, Урбано Каиро.
- Јаник Синер е отсутен во тенисот поради суспензија за допинг, но и покрај тоа, никој не успеа да му ја загрози првата позиција на АТП.
- Од пет турнири на кои учествуваше годинава, Карлос Алкараз успеа да го освои само оној во Ротердам во серијата 500. Проблемот е што чувствува протисок кој се вика Синер.
- „Многу луѓе ме прашуваат или ми велат дека имам шанса да станам број 1 доколку Јаник не игра. Можеби тој притисок на некој начин ме уби. Мислам дека не можам да станам број 1 сезонава, дури и да не игра Јаник, немам шанса да го направам тоа. Мислам дека сум премногу далеку од него“, вели искрено Шпанецот, кој од ноември минатата година е трет на АТП.
