Offside › Набрзинка

Нема крај на гадостите: Во САД одземена титулата на „најсилната жена“ која била маж

26 ноември 2025

Организаторите на светски познатиот настан „Најсилна жена на светот“(Official Strongman Games) во САД дознале дека за најсилна жена прогласиле трансродна жена Џејми Букер која била родена како биолошки маж, преку експлицитни видеа од еден сајт за возрасни, пишува Њујорк Пост.
Целата приказна ја открила второпласираната најсилна жена на турнирот која на крајот била прогласена за прва и ѝ била доделена наградата. На измамникот му бил даден рок од 24 часа да се огласи, да одговори на прашањето со да или не, да докаже спротивно, но не добиле никаков одговор.
Организаторите ѝ ја (или му ја одзеле) титулата на Букер откако биле откриени шокантни видеа и било докажано дека тој ги прекршил правата на натпреварувањето дека атлетите мора да се натпреваруваат во категорија соодветна на нивниот биолошки пол.
Второпласираната Андреа Томсон (43) на крај била прогласена за најсилна жена на светот. Таа на Дејли Мејл во вторникот му раскажала дека станале свесни за измамата на Букер во понеделникот кога почнале да кружат видеа на кое се гледа дека тоа е маж.

извор

Селекцијата на Бенин патувала 23 часа до Аргентина, а во хотелот немало топла вода

5 октомври 2026

Додека Аргентина се подготвува за последниот настап на Лионел Меси, во вторник на стадионот Монументал во Буенос Аирес, нивните противници се соочуваат со низа проблеми во пресрет на натпреварот.
Мегаспорт пишува дека условите за нивното гостување се далеку од идеални. Играчите немале топла вода во хотелот, сауната била во дефект, недостасувала опрема, а фитнес салата била несоодветна за професионален тим. Покрај тоа, репрезентацијата на Бенин патувала 23 часа во економска класа, а видео-аналитичарот Жонас Биде доживеал колапс.
Претходно и Буркина Фасо имала слични проблеми и поради низа пропусти на Аргентинската фудбалска федерација околу организацијата на патот, многу репрезентативци одбиле да патуваат и поради тоа настапиле со изменет состав составен од играчи до 23 години кој загуби 7:0.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор