Offside › Набрзинка

Навивач загинал по пад од трибина на финалето Шпанија - Португалија

9 јуни 2025

За време на првото продолжение од финалето на Лига на нации меѓу Шпанија и Португалија кое се играше на „Алијанц Арена“ во Минхен, некој Германец од горниот прстен на стадионот паднал долу во новинарската ложа на долната трибина.
Полиција и екипа од брза помош веднаш го обезбедиле местото и му пружиле прва помош на гледачот но тој им подлегнал на повредите подоцна во болница. Шпанскиот селектор Луис де ла Фуенте после мечот го отворил пресот со сочувство до семејството на загинатиот гледач. УЕФА не се огласила сè уште по тој повод.

извор

Патувале 24 часа за да ја бодрат Македонија во Казахстан

9 јуни 2025

Дејан, Атанаско, Александар, Слаѓан, Драган, Благој и Петре се верните навивачи кои имале вистинско патешествие за да стигнат до Астана. Поголем дел од нив се луѓе кои работат во Англија, а Слаѓан работи во Словенија, пишува СпортМанија.мк
„Од Лондон специјално дојдовме до тука за да ја бодриме Македонија. Беше тешко да се најде конекција до Астана затоа што нема директен лет. Ние прво патувавме до Истанбул, потоа до Алмати, а дури потоа сигнавме во Астана. Целото патување траеше повеќе од 24 часа. Беше напорно, се изморивме, потрошивме многу пари само за да дојдеме тука, но кога е за Македонија, не се жалиме“, вели Александар.
„Се зачудивме дека сите тука знаат каде е Македонија. Кога се возевме во такси, кога ќе застаневме некаде некого да прашаме, дали е тоа некој келнер во ресторан, сите знаеја каде е Македонија. За разлика од западна Европа каде некогаш се чудат каде е тоа, кога ќе кажеме дека доаѓаме од Македонија“, открива Александар.
Заиграле и Пајдушко во ресторан во Астана

извор

Македонија на најдалечното гостување во историјата – можеме ли до три бода?

9 јуни 2025

По сјајното реми против големиот фаворит Белгија (1:1) во натпревар во кој можеби Македонија го заслужи и целиот плен со оглед на шансите и стативите, денес црвено-жолтите гостуваат во Астана против Казахстан.
Во рамки од квалификациите за Светско првенство 2026 Македонија без помошта од селекторот Благоја Милевски кој доби жолт картон и заработи парни картони во финишот од мечот со Белгија па денес од трибини ќе го следи дуелот, ќе се обиде да ги освои трите бода против неатрактивниот а мошне незгоден противник.
Наптреварот е од 16:00 часот по наше време. Казахстан во два одиграни меча има 3 бода. Изгуби од Велс на гости (3:1) и славеше против Лихтенштајн на гости (0:2).
Македонија и Казахстан досега имаат само еден меѓусебен натпревар и тоа пријателски во Скопје во 2021 година. Со головите на Езѓан Алиоски, Иван Тричковски, Милан Ристовски и Дарко Чурлинов нашата селекција убедлив славеше со 4-0.

извор