- Додека трае летото, сите клубови работат на пронаоѓање нови свежи сили кои ќе ги засилат екипите.
- Очекувано најмногу трошат најбогатите и оние кои добро заработуваат и од продажби.
- Ливерпул е рекордер летово со историски рекордниот најскап трансфер во Премиер лига - Флоријан Вирц од Баер Леверкузен дојде во Ливерпул за неверојатни 125 милиони евра плус бонуси. Овој трансфер го надмина и оној астрономскиот на Челси со Енцо Фернандез (121 милион евра).
- Втор најскапо платен играч летово е Матеуш Куња за кого Манчестер Јунајтед плати 74,2 милиони евра! Уште еден премиерлигаш е на листата најскапи селидби: Мартин Зубименди од Реал Сосиедад отиде во Арсенал за 70 милиони евра! Џејми Гитенс од Борусија Дортмунд во Челси за 64,3 милиони евра, Мохамед Кудус од Вест Хем во Тотенхем за 63,8 милиони евра, Жоао Педро од Брајтон во Челси за 63,7 милиони евра, Дин Хујсен од Борнмут во Реал Мадрид за 62,5 милиони евра итн. итн...
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
