- Пет од шестмината најдобри тенисери на светската АТП ранг листа од 15-ти до 18-ти октомври ќе играат на турнирот „Кралеви на тенисот“ во Ријад, Саудиска Арабија.
- Таму ќе настапат првиот на светската АТП листа Карлос Алкараз, вториот Јаник Синер, третиот Александар Зверев, легендарниот Новак Ѓоковиќ, четвртиот Тајлор Фриц и финалистот од два Грен слема Стефанос Циципас кој влезе да игра наместо повредениот Џек Дрејпер.
- Ова е второ издание на турнирот „Шест кралеви“ кој ќе се игра во формат од три сета. Лани Синер го победи Алкараз во големото финале. Натпреварите ќе ги пренесува Нетфликс. Турнирот ќе се игра во сала која има капацитет од 8.000 гледачи а победникот на крај ќе се врати дома во Европа со шест милиони долари на сметка!
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
