Offside › Набрзинка

На Немања Гудељ му виси настапот на Европско

9 јануари 2024

Агонијата на Севиља продолжува и во 2024-та во која загубија од Атлетик Билбао, а останаа на подолг рок и без Гудељ кој го напушти теренот поради повреда.
Од клубот соопштија дека тестовите покажале кинење на менискусот на левото колено, а тоа ќе значи дека во наредните денови ќе биде опериран.
За сега нема информации за времето потребно за опоравување и се шпекулира дека на тренинзите би можел да се врати за два до три месеци, додека на терен малку подоцна.
Гудељ е еден од најстандардните играчи во тимот на Пикси и во квалификациите за Европското ги одигра сите натпревари.

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.