- После неколку години перипетии и критики кои кулминираа на мечот Македонија - Италија, кој се одигра на нива за садење компири, нашиот прекрасен стадион добива прекрасен терен.
- Се работи за хибридна трева, мешавина од вештачка и природна, која треба да има многу поголем животен век, од досегашната, исклучиво природна.
- Ова е прво целосно менување во изминативе 11 години, а проектот е донација од ФФМ, преку УЕФА и се проценува дека вреди 400.000 евра.
- По Кристијано Роналдо, со остри критики за процесот на изборот на Златната топка се јави и Роберт Левандовски во интервју за БиБиСи. Тој го доведе во прашање кредибилитетот на оваа награда.
- „Не знам што е поважно. Наградите на ФИФА, кои се пофер или Златната топка, која е покомерцијална“.
- Полскиот напаѓач се осврна и на својата пропуштена шанса во 2020-та, кога Франс Фудбал ја откажа церемонијата на Златната топка поради пандемијата. Левандовски тогаш го водеше Баерн до тројна круна.
- „Никој не го разбра тоа, зошто не ми ја дадоа наградата. Тоа е дел од фудбалот, но и од политиката“, вели Левандовски.
- Охрид деновиве ќе биде центар на врвниот ракомет. Во македонскиот бисер, во салата „Билјанини извори“, како генерална подготовка за новата сезона ќе се одржи меморијалниот турнир „Крсте Андоновски“.
- Ќе играат Вардар 1961, Партизан, Еурофарм Пелистер, Охрид, Киндил Торшавн, Нексе, Тримо Требње и Динамо Панчево, речиси сите претставници на своите земји во еврокуповите во претстојната сезона.
- Големите ривали Вардар 1961 и Еурофарм Пелистер ќе играат меѓу себе во четврток од 20:30 часот.
