- Одлични вести ни доаѓаат од спортскиот медиумски гигант Арена спорт кој од јануари месец најавува големи промени.
- Пет канали ќе одат на македонски јазик и пет на албански, стои во изјавата на извршниот директор на Арена ченелс групацијата, Небојша Жугиќ.
- Тоа значи дека наши коментатори ќе бидат ангажирани за италијанско, шпанско, англиско, Лига на шампиони, НБА, ракомет и сè она што оди на најбогатата и најгледана спортска телевизија во нашиот регион.
- Со скор од 2 победи, едно реми и 3 порази, актуелниот шампион на Македонија го заврши деби настапот во Конференциската лига на 22-ра позиција, во конкуренција на 36 екипи.
- Тоа им носи историско учество на европската сцена во нокаут фаза, успех недостижен до сега за друга македонска екипа. Само за пласманот во плејоф ќе добијат 200.000 евра, што значи вкупно до сега заработија 6 милиони евра.
- Противник ќе им биде Лех Познањ од Полска или Самсунспор од Турција, што значи нова шанса за поголем успех и уште поголема заработка.
- Некогашниот фудбалер на Црвена звезда, Лацио и Интер, освојувач на Лига на шампиони со Жозе Мурињо и Горан Пандев, легендарниот Дејан Станковиќ наскоро ќе биде претставен како нов тренер на црвено-белите.
- Станковиќ веќе ја водеше Звезда од декември 2019 до 2022-ра година, освои три шампионски титули, два Купа на Србија, играше во две групни фази на Лига Европа но два пати испадна во последното коло од квалификации за Лига на шампиони.
- Станковиќ доаѓа на местото на Владан Милојевиќ на чие место дојде и тогаш пред шест години. Милојевиќ важи за најуспешниот тренер во историјата на клубот кој дури три пати го внесе во Лига на шампиони и три пати во Лига Европа. Сезонава Милојевиќ оствари три победи, една нерешена и два порази во Лига Европа и екипата е на праг од пласман во нокаут-фазата.
- Дејан Станковиќ до неодамна беше тренер на Спартак Москва каде доби отказ по серијата топло-ладно настапи и големата бодовна разлика со врвот на табелата.
