Фото: EpaImages
- Голем број медиуми, во прв ред англиски од Ливерпул пишуваат дека братот на Трент Александер-Арнолд (26) кој е негов менаџер, заедно со други агенти, веќе пронашол договор со Реал Мадрид за универзалецот на англиската репрезентација од 1. јули да стане нов член на најтрофејниот европски клуб.
- Деснио бек на Ливерпул кој може да игра и во средниот ред, веќе со месеци, ако не и со години дискретно покажувал желба да замине во Реал Мадрид и да му се придружи на неговиот соиграч од репрезентацијата Џуд Белингем.
- Ливерпул веќе неколку пати му понудил нов договор на ТАА но тој го одбивал преку своите менаџери. Се очекува тој да биде огромно засилување за Реал Мадрид кој по повредата на Дани Карвахал буквално кубури со играч за позицијата по десна страна.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
