- Прославениот ракометен голман, а од неодамна министер за спорт во Влада на Република Македонија Борко Ристовски, во денешното интервју за „Республика“ меѓу другото се осврна и на фактот што во последно време сѐ е поголем бројот на спортисти и спортски легенди да рекламираат казина и обложувачници.
- За него тоа е недостојно, а најави и одземање на државната помош за тие што го прават тоа.
- „Недостојно е рекламирањето на обложувалници. Треба да се воведе ред, односно систем на вредност и начин на однесување на спортските функционери и на спортистите. Треба да се елиминира недостојното однесување на сите претседатели коишто се однесуваат така, на нивното работно место и надвор од него. Мора да создадеме градација, да кажеме дека дотука е доволно, а на сите оние коишто добиваат државна помош и притоа рекламираат казина и обложувалници да им биде прекината помошта што ја земаат од државата. Повторувам, недостојно за кој било спортист да рекламира спортски обложувалници“, изјави Ристовски.
- Како и што се најавуваше, нов тренер на КК Партизан станува младиот Шпанец Џоан Пењарола кој до скоро ја водеше Барселона. Пењарола седнува на клупата на црно-белите наместо Жељко Обрадовиќ и Предраг Оцокољиќ кој привремено како в.д. тренер ја водеше екипата.
- Пењарола ќе добие 1-ипол годишен договор вреден околу 1,7 милиони евра. Тој ќе дебитира во петок во 18. коло од Евролига кога Партизан ќе го пречека Макаби Тел Авив од 18:00 часот.
- Пењарола во досегашната кариера ги водеше Бургос со кого два пати ја освои ФИБА Лига на шампиони, беше тренер на Валенсија, Басконија и Барселона. Тој ќе има тешка задача да ги оправи работите во Партизан кој има мизерна сезона особено на играчки план каде многу првотимци ги одбиваа задачите поставени од Жељко Обрадовиќ кому му свртеа грб.
- Најрадосен од доаѓањето на Пењарола ќе биде најскапото засилување на Партизан Џабари Паркер кој со тренерот соработуваше во Барселона. Белградскиот клуб соопшти и дека договорил договор со доскорешниот НБА плејмејкер Камерон Пејн кој ќе ја засили екипата.
- Вардар и Милан Лазаревски ја продолжија соработката на уште две сезони, што значи дека македонскиот репрезентативец останува до 2028-ма.
- Лазаревски е дел од Вардар од 2022 година, кога се врати во Македонија од словенечниот тим Тримо Требње.
- „Со продолжувањето на договорот, Вардар задржува играч кој веќе се профилираше како еден од столбовите на тимот на пивотменската позиција и кој со својот карактер, работна етика и однос кон клубот претставува пример за младите ракометари“, стои во дел од соопштението на црвено-црните.
