Offside › Набрзинка

Меси сè поблизу до нов клуб

9 мај 2023

Светскиот шампион со Аргентина, по сè изгледа за неколку недели ќе го напушти ПСЖ и ќе се пресели во нов клуб.
Арапски извори пишуваат, а француски пренесуваат дека Лионел Меси е на прагот од потпис на астрономски договор вреден повеќе од 500 милиони долари со саудискиот клуб Ал Хилал.
На овој начин, клубот којшто е актуелен лидер во фудбалското првенство на Саудиска Арабија, сака да му возврати на ривалот Ал Наср за кого под екстремно богат договор игра Кристијано Роналдо.
35-годишниот Меси наскоро треба да се пресели во Саудиска Арабија а Дејли Мел пишува дека неговата сопруга не била баш расположена за таква селидба.

22 јули 2026

ФИФА може да добие нов претседател доколку успее мисијата на Доналд Трамп, кој го мести Џани Инфантино да стане генерален секретар на Обединетите нации.
Американскиот лидер во швајцарскиот функционер гледа идеален наследник на Антонио Гутереш. Иако во трката за оваа позиција веќе има седум официјални кандидати, Трамп е самоуверен дека преку Советот за безбедност и Генералното собрание на ОН може лесно да ја излобира оваа функција за својот сојузник.
„Во Организацијата на обединетите нации треба да се координираат 193 држави, додека под капата на ФИФА има над 200 земји членки. Резултатите на Инфантино јасно покажуваат дека тој поседува врвни раководни способности за ваква глобална улога“, изјави советникот на Трамп, Паоло Замполи.

22 јули 2026

Најдобрата македонска тенисерка ќе има нова шанса за настап на Гренд слем турнир, откако се најде на листата на пријавени учеснички во квалификациите за отвореното првенство во Њујорк.
Организаторите ноќеска ги објавија листите, а сите тенисерки рангирани од 103-тото место надолу ќе настапат во квалификациите, освен оние што ќе добијат специјална покана.
Ѓорческа, која е 214-та на ВТА, минатиот месец испиша историја за македонскиот тенис, откако успеа да мине три квалификациски кола и да се најде на главниот турнир на Вимблдон.