- Критиките кон клубот и изјавата дека нема почит за Ерик тен Хаг, Кристијано Роналдо ги плати со предвремен раскин на договорот во Манчестер Јунајтед.
- „Клубот му се заблагодарува за неговиот огромен придонес во двата периоди на Олд Трафорд“, се вели во соопштението од Олд Трафорд.
- „Го сакам Манчестер Јунајтед и ги сакам навивачите, тоа никогаш нема да се промени. Сепак, чувствувам дека е вистинско време за мене да барам нов предизвик“, вели Роналдо.
- На нешто повеќе од седум месеци до крајот од договорот со плата од 500.000 фунти неделно, Црвените Ѓаволи нема да му платат оштета и тој во јануари ќе може да си замине како слободен играч.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
