- По веста дека 137 спортски канали ги откупиле правата на преноси од фудбалската лига на Саудиска Арабија, истото во интервју за Гол.мк го потврдува и стандардниот стопер на македонската репрезентација, Дарко Велковски, член на клубот Ал Етифак од Арабија.
- „Искрено лигата е попопуларна низ светот. Работите веднаш се менуваат, сега дел од натпреварите имаат и англиски коментатори, не само арапски како досега. Огромни средства се вложени во овој проект. 200 милиони евра по сезона е навистина многу сериозна сума.
- За следното лето веќе се најавуваат големи трансфери кои уште повеќе ќе ја зголемат популарноста на лигата.
- Јас немав шанса да играм на првиот меч против Ал Наср на Роналдо, тогаш бев повредне, но се надевам дека во иднина ќе имам можност да заиграм против Кристијано со кого веќе се соочив во баражот за Светско првенство.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
