- ФФМ обезбеди бесплатна опрема за вкупно 42 екипи во младинските категории (тренерки, маици и шорцеви за тренинг, ранци), како и по 30 фудбалски топки. Во донацијата се опфатени 1.848 деца.
- Фудбалската федерација на Македонија ги информира родителите чии деца тренираат во младинските клупски категории дека фудбалската опрема која ФФМ им ја донираше на клубовите е бесплатна.
- „Опремата не смее да се наплаќа. Добивме информации дека одредени клубови им бараат пари на родителите за опремата, што е строго спротивно на условите под кои ФФМ ја додели донацијата. Ве охрабруваме, доколку вашиот клуб побара надомест за опремата, веднаш да пријавите во ФФМ“, стои во соопштението.
- Во рамки од инфраструктралниот проект за отворање нови, затворени и отворени базени во повеќе градови во земјава, денес во Штип беше отворен нов затворен базен.
- Изградбата на базенот во Штип е инвестиција вредна 46.75.815 денари. На свеченото отворање беа премиерот на Владата Христијан Мицкоски, министерот за спорт Борко Ристовски и градоначалникот на Штип Иван Јорданов.
- На крајот од јули ист ваков базен од затворен тип се отвори и во Кисела Вода, а во претстојниот период ќе се отворат вакви и слични базени во Кичево, Битола, општина Ѓорче Петров и општина Карпош како и во Кавадарци.
- Откако пред извесно време нов сопственик на фудбалскиот клуб Тиквеш стана Турчинот Осман Таш и ги назначи неговите соработници Емир Шабани и Пелин Коч за главни раководители во клубот, сепак од Кавардци стигнуваат вести дека целата гарнитура заминала од клубот.
- Тие не успеале да ги подмират долговите и не ги обезбедиле договорените финансиски средства според ултиматот кој им бил даден до 17-ти септември 2025.
- Се најавува дека градоначалникот Митко Јанчев, општината Кавадарци и бизнисмените од градот ќе продолжат да го одржуваат клубот на нозе.
- Тиквешани лани за првпат во историјата обезбедија европски настап, патуваа и на Исланд во квалификации за Конференциска лига и кога сите очекуваа нов голем исчекор, работите тргнаа во спротивна насока.
