- Мислевме дека нашиот фудбал ќе се ослободи од „канџите“ на примитивизмот, комбинациите, пороците на стариот систем. А само да се потсетиме дека имавме докажан обид на поткуп, обвинување за обид за поткуп на судија, истапување на клубови од натпреварувањето, прекини на натпреварите, нерегуларни натпревари, недостаток на ВАР...
- Но, денес Арсими и Башкими како да нè потсетија дека не се излегува така брзо и лесно од старите навики, стариот систем, „шемите“ за свое лично добро, а не за општото добро.
- Одбраната на кумановчани во Гостивар изгледаше како група на случајни минувачи, а голманот како лош актер во улогата на безначаен статист.
- Цел аудиториум виде каков тип на натпревар одиграа Арсими и Башкими и колку само го нарушија имиџот на мак-фудбалот, пишува Гол.мк
- Во вклучување од Лондон за емисијата „Мундокаст“, тренерот Лина Ѓорческа, Димитар Лабудовиќ ја пренесе атмосферата од британската престолнина и откри како течат подготовките пред утрешниот дуел (вторник, 13:00 часот) против Американката Аманда Анисимова.
- „Нема потреба да се трошат премногу зборови за играч кој минатата година играше завршници на Вимблдон и УС Опен. Меѓутоа, ние пристапуваме како и на секој друг меч. Тактиката ќе биде подготвена, а Лина ќе се обиде да го одигра тоа што најдобро го знае. Убеден сум дека ќе го даде својот максимум. Целта е да се одигра добар меч, па зошто да не се направи и изненадување? Ова е прво коло за Анисимова, додека Лина веќе има три меча зад себе овде и е подобро навикната на условите“,
- „Поддршката од најблискиот круг на луѓе е секогаш тука. Сите сакаме да се гордееме со овие успеси, да се сликаме и да ги тапкаме спортистите по рамо кога ќе успеат. Меѓутоа, клучното е да бидеме тука за нив додека го градат својот пат до тој успех, бидејќи тој успех не е само нивен личен, туку е и наш, како држава“, заклучи тренерот на Ѓорческа.
- Триесет и осум годишниот фудбалер Лукас Трехо бил со својот клуб Спорт Маритимо во главниот град Каракас кога северниот брег на Венецуела бил погоден од страшни два разорни земјотреси од 7,2 и 7,5 степени според Рихтеровата скала.
- Откако дознал дека зградата каде тие живееле во Плаја Гранде во градот Ла Гваира била срушена до темел, тој веднаш отпатувал на местото на катастрофата за да помогне во потрагата.
- „Нашата зграда во Плаја Гранде се урнала. Не знам ништо за мојата фамилија. Ве молам молете се за нив и споделете ја оваа порака во случај некој да ги видел. Сакам да верувам дека не биле таму“, напишал Трехо на Инстаграм.
- Во Венецуела набрзо допатувале и неговиот татко и брат од Аргентина за да им помогнат на пожарникарите, војската и волонтерите во напорите да се вадат телата.
- Потрагата завршила кога спасувачите ги пронашле и извадиле телата на сопругата на Трехо, Јанина Маранела и нивните две деца Арон и Аиноа. Оваа трагедија ја погодила силно Јужноамериканската спортска заедница.
- „Денес моето срце се скрши на илјада парчиња. Нема зборови со кои може да се олесни таа страшна болка. Го молам Бога да му даде на Лукас сила да ја преброди оваа незамислива загуба“, напишал соиграчот на фудбалерот, Едсон Тортолеро.
- Трехо во кариерата игаше за грчки Атромитос и Егалео, потоа во својата татковина за Белграно, Расинг, Институто, играше и во неколку еквадорски и перуански клубови.
