Лука Дончиќ пратил 200 пакетчиња и писма за детската педијатрија во Љубљана
23 декември 2021
- Големата НБА суперѕвезда Лука Дончиќ во пресрет на новогодишните и Божиќните празници организирал испорака на многу играчки и пакетчиња во одделот за детска педијатрија при Универзитетскиот клинички центар (UKC) во Љубљана.
- Лука ги воодушевил дечињата со брендирана облека од брендот Air Jordan, кукли, коцки, автомобили, хеликопетри, високотехнолошки слушалки. Им пратил и честитки, приложил свои потпишани фотографии и снимил видео порака за децата кои Божиќните и Новогодишните празници ќе ги поминат во болница.
- „Овие дечиња поминуваат низ тежок период. Се надевам само дека ова ќе им донесе макар малку радост за време на овие тешки времиња. Се надевам дека ќе бидат добро што поскоро и ќе можат да го прават тоа што најмногу го сакаат. Мислам на сите нив и на децата и нивните семејства им посакувам Среќна Нова 2022“, стои во пораката на Дончиќ.
- „Ако една светска ѕвезда како Лука Дончиќ се сети на нас и не изненади, тогаш ова е навистина убав ден“, рекла малечката Хана која била една од највеселите. Ѕвездата на Далас Маверикс не ги заборавил своите словенечки корени ниту во време на големи обврски и напорен распоред. Ова не е првпат Дончиќ да ги израдува најмладите пациенти. Тој лани во една детска клиника во Далас подарил 80 новогодишни пакети за децата.
