Offside › Набрзинка

Литванија не сака да слушне за странски играч или селектор: „Тоа би била капитулација“

13 септември 2022

Шефот на кошаркарската федерација на Литванија, Миндаугас Балчиунас изјави дека не планираат смена на селекторското столче до крајот од Олимписките Игри 2024.
„Треба да се разбере дека репрезентацијата играше со Казис (селекторот Максивитис) за првпат. Видовме како функционира, на кое ниво е тренер, како целата репрезентација се најде со него. Тој останува селектор. За селектор странец не размислуваме, тоа би било капитулација“, изјави Балчинус.
Литванија испадна во осминафинале од Шпанија на Европско првенство 2022 што е најлош пласман во историјата на настапи на Европски првенства на оваа репрезентација. Целта им беше од 1 до 4 место а на крај завршија 15-ти.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.

30 октомври 2026

Фудбалската федерација на Македонија (ФФМ) соопшти дека продажбата на влезниците за натпреварот Македонија – Словенија ќе почне во понеделник, на 2 ноември.
Натпреварот се игра во рамки на петтото коло од групата Б во Лигата на нации, а цената ќе изнесува 500 денари.
„Влезниците ќе можат да се набават исклучиво преку официјалната платформа за електронска продажба на билети на ФФМ: eticket.ffm.mk“, информира ФФМ.
Македонија по четири одиграни меча има 0 бодови, додека Словенија е втора во групата со седум поени и големи шанси да оди понатаму во осминафинале од Лига на Нации.
Натпреварот се игра на 16 ноември од 20.45 часот на Националната арена „Тодор Проески“ во Скопје.