Offside › Набрзинка

Лазаров: Играчите сами се уверија, не е исто македонска лига и Светско првенство

26 јануари 2023

Кога ја презедов селекторската палка се фатив за многу тешка работа и донесов храбра одлука, затоа што цела јавност шпекулираше и беше сигурна дека после нашата генерација ќе се случи потоп и ќе не нема на големите натпреварувања. Бевме во Унгарија, Полска и ќе одиме и во Германија. Тоа беше и основната цел.
Не може било кој селектор во десет дена да ги промени основните карактеристи на нашите играчи кои што ги имаат. Имаме 6-7 играчи од генерацијата 2002-2003 и сме најмладата репрезентација на СП, што е одлика на гордост.
Мислам дека на моите играчи многу им сметаа коментарите и се бориме заедно со нашиот стручен штаб и психологот, меѓутоа тешко оди, нови генерации се. Секој има право демократско право да коментира, само да има мерка.

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.