Веста за четворица познати скијачи најпрвин исчезнати во страшната лавина која во понеделникот на 24-ти март се случила на планинскиот масив Кутнис (Kootenays), источно од езерото Касло (Британска Колумбија, Канада) го потресла светот на скијањето а исходот на потрагата бил трагичен:
Тројца светски познати професионални скијачи во слободен стил: Џеф Кинан, извршниот директор на The North Face Алекс Пашли и водичот Џејсон Ремпл биле пронајдени загинати. Четвртиот член на екипата, 40-годишен маж од Нелсон бил тешко повреден и уште е во критична состојба.
Несреќата се случила близу басенот Клут Крик, на терен на кој управувала компанијата за скијачки и борд тури Стелар Хели Скиинг. Четворицата мажи чекале да ги собере хеликоптер по денот поминат на планина. Лавината која што ја воочил пилотот кој се приближувал до тоа подрачје, ја изненадила групата околу 12.30 часот во понеделникот. Според сајтот Аваланш Канада, дента кога се случил инцидентот тие објавиле високо ниво на опасност од лавини (4/5) поради тенките снежни слоеви, порастот на температури и неодамнешни акумулации.
Навивачката група на ФК Шкупи, „шверцери“ излегоа со соопштение во кое тврдат дека имаат податоци дека во текот на минатата сезона претседателот на клубот заедно со дел од директорите кои повеќе не се во клубот манипулирале со некои натпревари за лична корист.
„Вчера откако добивме информација дека пријателскиот дуел со Арсими се подготвува за местење за обложување, решивме во соработка со ФФМ да го откажеме“, велат „шверцери“ кои додаваат и дека Шкупи патува во Турција на подготовки но таму ќе намести уште еден натпревар и ги повикуваат сите надлежни органи под итно да интервенираат и да спречат овој срам да продолжи и понатаму.
Лидерот на Вест Хем и бразилски репрезентативец Лукас Пакет конечно може да здивне. Регулаторната Комисија при Фудбалската асоцијација на Англија соопшти дека бил чист и дека се ослободува од секаква вина за сомнителни обложувања.
Минатата година, 27-годишниот Пакета беше обвинет дека наводно намерно добивал жолти картони за време на четири премиерлигашки натпревари во периодот од ноември 2022 до август 2023 против Лестер Сити, Астон Вила, Лидс Јунајтед и Борнмут.
Тој се сомничеше дека тој и негови пријатели и роднини од Бразил се кладеле на типови за жолти картони.
Но истрагата не докажала ништо и тој е целосно чист и ослободен од секакво обвинение. „Од првиот ден на истрагата бев мирен зошто сум невин во однос на овие екстремно сериозни обвинувања. Сакам да кажам колку многу сум му благодарен на Бог и колку сакам што се враќам да играм фудбал со насмевка на лицето. Благодарам до жена ми, до Вест Хем Јунајтед, до навивачите, до моето семејство, пријатели и правиот тим кој ме поддржуваше, ви благодарам“, напишал Пакета
