- Зоран Пусиќ од хрватската Антифашистичка лига во саботата му пратил допис со молба лично на хрватскиот премиер Андреј Пленковиќ, Владата да не го вика контроверзниот Марко Перковиќ Томпсон да пее на дочекот на хрватската ракометна репрезентација, затоа што тој посебно меѓу младите во денешна Хрватска е симбол на усташство.
- Претходно министерот за туризам и спорт на Хрватска Тончи Главина изразил желба во име на Владата на Хрватска Томпсон да биде присутен и да пее на дочекот на Хрватите.
- Хрватска го загуби големото финале на Светско првенство против Данска убедливо 32:26, а пречекот на ракометарите по повод новото светско сребро е закажан за понеделник вечер во Загреб.
- Марко Перковиќ Томпсон долги години беше оспоруван и забрануван во Хрватска и други земји (Австрија и Германија) поради воено-хушкачки текстови во песните и е често поврзуван со нацистичката идеологија.
- Кошаркарската федерација на Македонија, наскоро веројатно ќе има нов претседател, бидејќи официјално, иницијативата за смена на Антиќ е поднесена со огромна поддршка од 37 клубови потписници.
- Иницијаторите се обидоа да го сторат тоа и во декември минатата година, но актуелниот претседател не ја ставаше на дневен ред точката за (не)доверба на претседателот, поради членот во Статутот што му гарантираше две години од мандатот по неговиот реизбор во 2023 година.
- Тој рок од две години измина на 29 март, по што денеска и официјално беше поднесено барање за Вонредно собрание кое според актите на КФМ, Антиќ мора да го свика во рок од 14 дена.
- Се очекува на следното собрание единствен кандидат за нов претседател да биде Младен Ѓуроски, кој впрочем и лично ја поднел иницијативата во куќата на кошарката.
Фото: Epa Images
- Норвешкиот центафрор само што ја најде својата препознатлива форма и даде неколку гола за Норвешка во репрезентативната пауза, се повреди за време на натпреварот Борнмут - Манчестер Сити (1:2) во ФА Купот.
- Ерлинг Халанд мораше да го напушти теренот во Борнмут во 61' минута од мечот поради повреда на левиот зглоб на ногата. Халанд постигна гол на мечот во 49-та минута а потоа го заменија со Омар Мармуш кој го постигна победничкиот погодок подоцна.
- Од Сити соопштија дека центарфорот би можел да се врати до крајот на сезоната во Премиер лига (25-ти мај завршува) а дека би бил подготвен целосно за Светското клупско првенство (од 15-ти јуни до 13-ти јули), како и за мечот Норвешка - Италија од квалификации за Светско првенство на 6-ти јуни во Осло.
