- КМФ Проект и КМФ Арбен Бајрами во битка за трофејот во македонската футсал лига изрежираа комедија од резултати, нереални за овој спорт.
- КМФ Проект како гостин го совладал Енхалон со резултат 62:2, а за уште поголема гол разлика се изборил скопскиот тим Арбен Бајрами кој победил против Јувентус Серава со 75:1.
- Лакрдијата стои во официјалниот записник на ФФМ. Средбите плачат за истрага.
- Бразилскиот фудбалер Нејмар се враќа во Сантос, својот матичен клуб во Бразил кој го лансираше во ѕвездите. Последно Нејмар играше за Ал Хилал во Саудиска Арабија но поради повреди повеќе беше надвор од теренот отколку на теренот.
- Тренерот на Ал Хилал Жорж Жезус неодамна изјави дека Нејмар не може веќе да игра на нивото на кое ја навикнал јавноста.
- Нејмар веќе е во Бразил каде треба да потпише договор. Тој ќе го раскине договорот со Ал Хилал со заедничка спогодба и ќе остане „пократок“ за 65 милиони долари колку што требаше да заработи до крајот на договорот.
- Некогашниот фудбалер на повеќе италијански клубови меѓу кои и Рома и Интер, 30-годишниот Раџа Наинголан е уапсен од белгиската полиција поради шверц на кокаин.
- Наинголан кој има 30 настапи за Белгија со која играше и на Светско и на Европско првенство, важеше за еден од најдобрите фудбалери од среден ред и најголеми фајтери во неговото време.
- Тој минатиот вторник потпишал договор со белгискиот второлигаш Локерен, а во Белгија е веќе неколку месеци по заминувањето од Италија.
