- Познатиот загрепски стадион „Максимир“ со години важи за најгрдиот фудбалски стадион на кој се играат натпревари од Лига на шампиони, Лига Европа, хрватска НХЛ и квалификации за Европско и Светско првенство со Лига Нации.
- Хрватската јавност со децении бара овој стадион да се урне и да се изгради нов, модерен и скапоцен кој ќе одговара на резултатите на реномираната хрватска репрезентација и Динамо Загреб.
- Сега тамошната влада и УЕФА сериозно влегуваат во проект нов стадион кој би требал да има капацитет од 32.000 гледачи и да се изгради на истата локација по рушењето на грдиот „Максимир“. Проектот би чинел 120 милиони евра, вели новинарот Томислав Дашовиќ.
Фото: Epa Images
- Ливерпул и Баер Леверкузен конечно постигнаа договор. Најдобриот германски фудбалер Флоријан Вирц ќе потпише за англискиот шампион договор вреден 116 милиони фунти (157 милиони долари).
- Црвените ќе платат иницијални 100 милиони фунти и ќе постават нов клупски рекорд а и нов британски рекорд ако се исполнат сите договорени евентуални бонуси од постигнати успеси на теренот.
- 22-годишниот Германец го надминува досегашниот рекорд во Премиер лигата од лани кога Челси за Еквадорецот Моизес Каиседо плати неверојатни 115 милиони фунти во Брајтон.
- Димитар Митровски (26), откровението на минатата сезона во хрватската прва лига ХНЛ, официјално потпиша за Олимпија Љубљана во која доаѓа од хрватски Вараждин.
- Словенечкиот клуб за него плаќа околу 800.000 евра што е најскапа инвестиција во историјата на клубот. Досега најскапо платен бил Нигериецот Блесинг Елеке за кого во 2016-та „змајчеки“ платиле 750.000 евра.
- Митровски потпишал договор до 2028-ма година и ќе ја пополни позицијата на која играше Раул Флоруц кој заминува во друга лига.
- Митровски сезонава постигна 8 гола на 28 меча за Вараждин. Игра како крилен напаѓач. За Македонија веќе има 8 настапи. Досега во кариерата играл за Работнички, Ханза Рошток, Магдебург и Спортинг Лисабон.
