- Денвер Нагетс е франшиза која во последно време прилично конзервативно работеше на трансфер пазарот. Но еден потег кој го повлече досегашниот нивен кошаркар Кентавиус Колдвел-Поуп кој отиде за богат договор во Орландо Меџик, како да започна нов циклус. Расел Вестбрук еден од најдобрите НБА кошаркари во последните неколку години и човек кој е апсолутен лидер по број на трипл-дабл учиноци, е на добар пат да му се приклучи на Денвер Нагетс.
- Вестбрук наводно ја искористил опцијата да плати 4 милиони долари со цел да стане слободен агент. Некогашниот МВП на НБА лигата сега е слободен во својот избор а гласините од НБА велат дека е близу до Нагетс каде би требал да го сочинува триото Мареј-Јокиќ-Вестбрук.
- Од другите шушкања за трансфери, се зборува дека Крис Пол и Кајл Лоури во новата сезона ќе играат за Голден Стејт Вориорс. Пол беше член на „воините“ сезонава но од 1-ви јуни е слободен агент во избор на нова средина.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
