Offside › Набрзинка

Коментар: Кому му требаше скандалот со ракометните судии?

16 јануари 2023

Ден пред македонските судии Ѓорѓи Начевски и Славе Николов да се појават на ракометните терени во Шведска за да ја делат правдата на светското ракометно првенство, нивното име се вмеша во еден текст што се занимава со истражување околу сомнителни ракометни резултати, каде што се посочуваат 26 натпшревари и осум судиски двојки меѓу кои и една хрватска судиска двојка.
ЕХФ се огласи со свое соопштение во кое посочи дека нема никакви докази за таквите сомнежи да бидат процесирани од надлежните органи, повторувајќи ја одамна познатата позиција за „нула толеранција“ по ова прашање.
Случајот се истражувал од 2018-та и симптоматично е зошто сега повторно се зборува за него, на самиот Мундијал.

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.