Offside › Набрзинка

Комарџии не престануваат да се закануваат на тенисерки

6 август 2025

Веќе неколку години познатите светски тенисерки се мета на кладилничари кои типувале на нивни натпревари па кога тенисерката ќе загуби меч, во фрустрација и праќаат навредливи и заканувачки пораки.
Последна таква во низа која ги откри лудаците беше украинската тенисерка Елина Свитолина која им напиша: „До сите кладилничари, јас сум пред сè мајка. Начинот на кој вие разговарате со жените, со мајките е СРАМЕН. Ако вашите мајки ги видат пораките, ќе бидат посрамени“.

6 август 2025

Фудбалерите на Шкендија загубија со 0-1 од Карабах во третото коло од квалификациите за Лигата на шампионите.
За време на средбата на Арената „Тодор Проески“ навивачите на Шкендија во одредени моменти скандираа пароли за „Голема Албанија“. Поради тоа, според информациите на телевизија „Телма“ веќе се преземаат мерки за ширење на националистички и ксенофобични пораки.
Слична постапка се води и за инцидентот во Куманово за време на кошаркарскиот натпревар меѓу Македонија и Романија кога имало националистички скандирања во салата.

5 август 2025

Бројните навивачи на Милан во Македонија, обединети под групата Milan Fans Macedonia ја отворија кампањата за членство во истата за новата сезона 2025/2026.
Членскиот пакет за 2025/26 сезона вклучува: Официјална AIMC членска картичка, дуксер Милан Фанс Македонија, подарок од AIMC и привилегија при купување влезници за дуелите на Милан на „Сан Сиро“.
Цена за обнова на членство (за сите постоечки членови од сезоната 2024/25): 1.800 денари. Цена за нови членови: 2.000 денари.