- На 4. ноември 2025-та година 15-годишниот фудбалер на Арсенал, Макс Дауман влезе во игра во 71' минута од дуелот со Спарта во Прага и стана најмладиот дебитант во историјата на Лига на шампиони.
- Со само 15 години и 308 дена тој ги надмина рекордите Јусуфа Мукоко, Ламин Јамал, Селестин Бабајаро, Рајан Шерки, Ален Халиловиќ.
- Макс Дауман е десно крило, вешт техничар, брз, и позрел од своите врсници. Претходно против Лидс Јунајтед во Премиер лига се качи на второ место на најмлади дебитанти во историјата на англиската Премиер лига зад неогвиот постар соиграч Итан Енванери.
- Подоцна играше и против Брајтон во натпревар на кој имаше најмногу дриблинзи, најмногу добиени дуели и изнудил најмногу фаули.
- Реал Мадрид не ги заборава своите легенди. Македонската одбојкарска легенда Владимир Богоевски кој во раните 1980-ти години играше за Реал Мадрид, бил на прием кај претседателот на Реал Мадрид, големиот Флорентино Перез.
- Поканата стигнала директно од кабинетот на Перез а сите гости заедно го проследиле натпреварот од Примера меѓу Реал Мадрид и Валенсија (4-0). Во свечената ложа на „Сантијаго Бернабеу“ бил и спортскиот директор на Македонскиот олимписки комитет (МОК) чиј состанок со Перез минал во пријателска атмосфера и евоцирање спомени од минатото.
- Наполи одигра 0:0 против Ајнтрахт Франкфурт и покрај поседот 64%, како и вкупно 18 удари наспроти 7 на гостите. Скорот во ЛШ по 4 кола им е 1 победа, 1 нерешена и 2 порази.
- Елмас конечно доби 90 минути од Конте, кој ги оправда целосно, а тоа го покажува највисоката оценка која ја доби во тимот. Играше во напад по лева страна, во трио со Хојлунд и Наполитано.
- Елиф Елмас - 8,5: Најдобриот играч на мечот, без конкуренција. Тој беше креативецот на Наполи, кој создаде пет шанси и постојано ја тестираше одбраната на Ајнтрахт Франкфурт. Движењето и визијата на теренот му беа исклучителни, но немаше среќа да постигне гол или да направи асистенција. Навистина брилијантен индивидуален настап во еден фрустрирачки тимски напор, стои во описот на sportsdunia.com
