- Во рамки од новото коло од хрватската фудбалска лига (ХНЛ) утре од 17:30 лидерот Хајдук Сплит ќе гостува кај Локомотива Загреб.
- Сплитските „били“ имаат 39 бода и се на прво место но имаат еден меч повеќе од второпласираната Ријека која има 32 бода и два меча повеќе од Динамо Загреб кој е трет со 30 бода.
- За мечот со Локомотива Загреб, на благајните на овој клуб биле пуштени влезници во продажба. Меѓу навивачите на Хајдук кои студираат, работат и живеат во Загреб често е проблем да се купи карта и да се избегне средба со навивачи на Динамо Загреб. Така синоќа бил нападнат еден млад дечко кој бил од Загреб но купувал карти за негови роднини од Сплит, навивачи на Хајдук.
- Овој проблем датира одамна и во хрватската јавност се поставува прашањето зошто целосната продажба не оди онлајн на интернет туку мора да се чекаат долги редови по студено време за парче хартија.
- Дваесет и седум годишниот голман на репрезентацијата на Црна Гора и англиски Милвол, Матија Шаркиќ рано утрово починал во апартман во Будва откако му се слошило.
- Шаркиќ пред само десет дена бранел одлично на голот на Црна Гора на мечот против Белгија. Тој се родил во англискиот град Гримбзби во 1997-ма година а кариерата ја започнал во младинските категории на белгиски Андерлехт.
- Потоа бранел во Астон Вила, Виган, Стратфорд, Ливингстон, Вулверхемптон, Шрузбери, Бирмингем, Стоук и Милвол.
- Во Милвол стигнал во август минатата година и сезонава имал 33 натпревари од кои на 12 не примил гол. За Црна Гора дебитирал на меч со Белорусија во 2019-та година. Црногорскиот фудбалски сојуз и соиграчите на Шаркиќ како и Милвол се простуваат од младиот голман.
- Германските и британски надлежни институции се скршија од апелирање во изминатиов период дека пивото во Германија има многу повеќе проценти алкохол отколку оние на Островот и дека навивачите треба да припазуваат колку и како пијат.
- Германската полиција во еден од последните апели до англиските навивачи пред мечот со Србија во недела од 21:00 во Гелзенкирхен напоменала дека би сакала англиските навивачи повеќе да конзумираат марихуана (канабис) отколку да пијат со оглед на агресивноста која може да произлезе од алкохолот.
- „Нема проблем да се пуши канабис на улиците (во Германија е дозволена мала количина за употреба). Ако видиме група луѓе кои пијат алкохол и изгледаат и се однесуваат агресивно, а друга група пуши канабис, секако дека ќе ја следиме групата што пие алкохол“.