Offside › Набрзинка

Кина строго побарала од фудбалерите да ги тргнат тетоважите и да не прават нови

30 декември 2021

Сите кинески фудбалски репрезентативци во сите категории од младински до сениорска селекција веќе нема да смеат да се појават на тренинг или на натпревар нацртани по телото.
„Членовите на сениорската репрезентација и У-23 селекцијата кои веќе имаат тетоважи, ги советуваме самостојно да ги отстранат. Во посебни случаи тетоважите треба да бидат покриени со долги ракави за време на тренинзи и натпревари“, стои во соопштението.

Освен тоа забрана за тетоважи се воведува и во екипите со фудбалери до 20 години и помлади. Од 2018-та година кинеските фудбалери во тамошната лига кои имаат тетоважи на своето тело, мораат да играат со дресови во долги ракави.
Но кинеските навивачи не се согласуваат со ваквиот став и велат: „Дали ние бираме добар фудбалер или светец“? Дали може исто така да кажеме дека само членовите на партијата може да играат фудбал?“
На некои женски фудбалерки минатата година им бил одложен мечот затоа што не „ја испочитувале наредбата“ да не играат со фарбани коси
Кинеските власти преку Комунистичката партија донеле серија рестрикции за младата култура а меѓу тие рестрикции е и забраната за „абнормална естетика“.

извор

Барселона го претстави првото скапо летно засилување

30 мај 2026

Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
Напаѓачот доаѓа како замена за Рашфорд и Левандовски кои заминуваат од Барселона.
Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.

извор

Со овации испратен во пензија највозрасниот ракометар во Македонија

28 мај 2026

45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
Искусниот голман го одигра последниот натпревар во својата неверојатно долга кариера која ја започнал во 1997-ма година.
Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.

извор