- Само десетина дена откако го искачи врвот Макалу, македонскиот кардиолог и алпинист, Сашко Кедев, направи уште еден голем подвиг, го освои четвртиот највисок врв во светот, Лоце кој се наоѓа на Хималаите и е висок 8.516 метри.
- Следна цел ќе му биде врвот Канченџунга (8.586. метри), кој е трет највисок врв во светот.
- Во неговата колекција на искачени врвови, има освоено 11 од вкупно 14 врвови над 8.000 метри.
- Прославениот кошаркарски ас и член на Куќата на славните Шекил О'Нил заедно со двајца градоначалници од Џорџа и Флорида ќе ги покријат трошоците за погреб на четири девојчиња кои загинале во страшен пожар во Северна Каролина, во Колумбус Каунти на 30-ти август.
- Мајката на дечињата, Реган Пауерс е обвинета за убиство од небрежност и кривично дело кое предизвикало смрт на четирите ќерки Калани, Кендал, Жозефина и Софија кои ги оставила под надзор на својата 11-годишна ќерка. Девојчињата имале 2, 4, 5 и 7 години.
- „Како татко, срцето ми е скршено за семејството Елис. Што можам да понудам се љубов, поддршка и ветување дека нивните животи нема да бидат заборавени. Тоа се невини жртви, полни надеж, прерано заминати. До натажената фамилија: не сте сами во оваа болка. Ве гледаме, тагуваме со вас и ќе ви помогнеме да го носите овој терет“, рекол легендарниот центар Шекил О'Нил.
- Под генерално покровителство на Министерство за спорт, во организација на агенцијата Арммада и Македонската ММА федерација, вчера во „Јане Сандански“ се одржа настанот – Арммадa 14.
- Во боречката програма на овој ММА спектакл настапија 16 борци од Македонија, Молдавија, Грузија, Србија, Босна и Херцеговина, Црна Гора, Кипар и од Германија.
- Овој најголем ММА спектакл што се одржал во Македонија во последниве години, беше крунисан со победи на македонските борци Даниела Алексовска, Марко Трајановски и Коста Георгиевски кои покажаа дека Македонија има борци со кои може да се гордее.
