- Енис Барди доби раскин на договорот со Трабзонспор и стана слободен играч откако неколку месеци беше изолиран од првиот тим и тренираше индивидуално.
- Плејмејкерот во меѓувреме доби нова понуда од Шпанија, каде претходно со голем успех го носеше дресот на Леванте.
- Има понуди и од Леганес и од Рајо Валјекано, но последните информации говорат дека Еспањол е најблиску до неговиот потпис.
- Генералниот секретар на фудбалскиот сојуз на Србија (ФСС) Бранко Радујко во денешно обраќање до медиумите изјавил дека Драган Стојковиќ Пикси ќе остане селектор сигурно до мечот со Албанија а за потоа ќе решаваат.
- Притоа српскиот фудбалски сојуз интензивно барал од УЕФА ако може натпреварот со Албанија закажан за 11-ти октомври да се игра во Лесковац наместо во Белград.
- На претходниот дуел против Англија во Белград кој Англичаните го добија убедливо 0:5, имаше политички тензии, скандирања и инциденти меѓу навивачите на Србија. Од таа причина ФСС со цел да избегне повторно такви сцени, бара дуелот од висок ризик да се игра на стадионот „Дубочица“ во Лесковац кој собира 8.000 гледачи.
- „Репрезентацијата таму (во Лесковац) секогаш е дочекувана со безрезервна поддршка што не е секогаш случај во Белград, иако самите играчи немаа проблем како селекторот и навивачите“, рекол Бранко Радујко.
- Еден од најголемите центри на европската кошарка, Атина ќе биде домаќин на завршниот турнир во Евролига, Фајнал Форот 2026. Главни градови-конкуренти беа Белград и Атина па на крај грчката престолнина го доби домаќинството и тоа во „ОАКА Арена“, домот на Панатинаикос (сега по најново „Телеком Центар Атина“.
- Последен пат полуфинале и финале на Евролига во Атина се играа во далечната 2000-та година. Панатинаикос го совлада Макаби Тел Авив во големото финале пред свои навивачи. Трет заврши Ефес Пилсен а четврта Барселона.
