Offside › Набрзинка

Како едно апче од 50 мг може да ти уништи врвна кариера

30 декември 2021

Голманот на Ајакс, Камерунецот Анде Онана се враќал една вечер доцна со екипата со авион од Бергамо каде играа против Аталанта во Лига на шампиони. Не спиел многу. Кога се разбудил, главата уште го болела како претходно.
Решил да не чека додека почне подоцнежниот тренинг во базата на Ајакс De Toemkost, па си земал едно апче од несесерот со лекови во кујната дома. После тренинг сесијата го викнале на уште еден рутински, нормален тест, трет за него таа недела. Не помислил што може да го чека. Ниту на сон.
Падна на тест и УЕФА без тронка размислување го суспендираше на 12 месеци. Тој бил позитивен на супстанцата Фуросемид која што е забранета од УЕФА и ФИФА. Ајакс се обиде да го спаси својот голман од тешка казна, објаснувале од клубот дека тој од жена му земал апче по грешка, па казната му беше намалена на 9 месеци од Арбитражниот спортски суд во Лозана во јуни 2020-та.
Андре Онана е еден од најталентираните голмани во Европа. Репрезентативец на Камерун стана на 20 години, финалист на Лига Европа на 21 година, полуфиналист на Лига на шампиони на 23 години и лидер на сјајна генерација на Ајакс на свои 24 години.
Извршниот директор на клубот, легендарниот голман Едвин ван дер Сар изјавил дека тогаш луѓето од клубот отишле кај Онана дома за да видат какви лекарства имал во несесерот. „Тогаш сфативме“. Наместо Литаколд, тој случајно земал Лазимак, дијаретик на база на Фуросемид, препишан за жена му после пораѓањето.
„Неверојатно, 40 мг може да ти растури цела кариера“, се чуди голманот ден денес.
Но неговиот малерозен период е пред крај. Тој има усмен договор со Интер за во јуни како слободен играч да го засили шампионот на Италија каде го сметаат за легитимен наследник на капитенот Самир Хандановиќ.

извор

Клоп: Ако не ми го оставите семејството на мира, си одам

24 јули 2026

Две години откако го напушти Ливерпул, Јирген Клоп се враќа во фудбалот како селектор на германската репрезентација, со која потпиша договор до 2030 година. Ја наследува платата на неговиот претходник Јулијан Нагелсман од 7 милиони евра, кој поднесе оставка после шокантната елиминација од Парагвај.
„Мојата мисија е да ја направам репрезентацијата подобар тим и се надевам дека фонтот на играчи од кои можам да бирам ќе биде поширок. Сепак, ова не е нешто што го правам против вас, туку за вас. Ова е чест.“
„Ќе бидам многу добро платен, а ако Јирген Клоп биде очаен, ќе ме нема. Ако Германската фудбалска федерација каже дека треба да ја прекинеме соработката, тогаш тоа е крајот. Истото важи и ако се однесувате лошо и не го оставате моето семејство на мира. Јас едноставно ќе се свртам и ќе си заминам. Знам дека има земји каде што тренерите се третираат уште полошо. Ја сакам оваа работа, но исто така сум подготвен да се откажам доколку е потребно“.
„Јирген Клоп нема да има никаква „кариера“ по националниот тим. Ова е врвот, највисоката точка во мојата тренерска кариера. Ќе дадам сè што имам, а со мене го имам најдобриот можен тренерски штаб“, рече Клоп на првата прес конференција како селектор.

извор

Сејдини излезе од Шутка со гаранција од 1,15 милиони евра

24 јули 2026

Поранешниот претседател на Фудбалската федерација на Македонија, Мухамед Сејдини е пуштен од притвор и ќе се брани од слобода, информира неговиот адвокат Шкодран Алили во објава на социјалните мрежи.
Сејдини помина три месеци во Истражниот затвор „Скопје“, откако беше уапсен во полициска акција во април 2026 година под сомневање за тешка финансиска проневера.
Се сомничи за проневера од 700 000 евра доделени од УЕФА за развој на фудбалот во Македонија, како и за злоупотреба на функцијата. Средствата биле наменети за извршување градежни работи на стадионот во Охрид.

извор