- Во голема трампа меѓу Бруклин Нетс и Далас Маверикс, Кајри Ирвинг оди кај Лука Дончиќ а во спротивна насока се селат Спенсер Динвиди и Доријан Фин-Смит. Притоа Бруклин ќе добие и пик од првата рунда и неколку пика од втората рунда на НБА драфтот.
- Кајри е на медицински прегледи во Далас а би требало да дебитира против ЛА Клиперс во среда вечер. Ќе биде интересно да се види како ќе се снајде во новата средина со оглед на неговиот незгоден темперамент и чести негодувања, но и како ќе се снајде со Лука Дончиќ за кого другите соиграчи работат.
- Кајри Ирвинг важи за суперѕвезда која често има контроверзни ставови а во фокусот на јавноста беше за време на глобалната пандемија кога одбиваше да се вакцинира поради што пропушти речиси пола сезона и изгуби голем дел од платата. Играше во Кавалирс кој во 2011-та го одбраа како прв пик на драфт, па во Бостон Селтикс а од 2019-та беше во Бруклин Нетс.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
