- На 41 година еден од најголемите кошаркари на сите времиња, трофејниот Леброн Џејмс од летово е слободен агент и има широко отворени можности за понатаму.
- Може да се повлече и да го „зајава зајдисонцето“ со една од најславните кариери некогаш. Може да се врати во Лејкерс и да продолжи да игра со син му. Но ако реши да го напушти Лос Анџелес, работите стануваат интересни.
- Најмногу се зборува за негово враќање во Кливленд Кавалирс, неговиот матичен клуб во НБА со кого освои шампионски пехар, а се зборува и за евентуална селидба во Голден Стејт Вориорс.
- Со Донован Мичел, со Мобли, Ален и Џејмс Харден Кливленд Кавалирс би направил многу сериозна банда за титиула. А притоа е и добар другар со Стеф Кари, со Драјмонд Грин и со Стив Кер со кого освои злато на Олимписките Игри 2024 во Париз.
- На рангирањето на УЕФА, Македонија е во група од седум земји кои моментално останаа само со еден претставник во Европа.
- Македонскиот фудбал на клупски план моментно е во ранг со земји како Лихтенштајн, Малта, Гибралтар, Црна Гора, Велс и Сан Марино.
- Вардар испадна од Рига, а Силекс од Динамо Минск во квалификациите за Конференциска лига. Само Шкендија уште е во игра на меѓународна сцена. В четврток во Скопје ќе играат реванш дуел против Браво од Словенија, кој има предност од 2:1 од првиот дуел.
- Легендарниот Роберто Манчини повторно ќе седне на селекторското столче на Италија откако денес се договорил со првиот човек на Фудбалската федерација на оваа земја, Џовани Малаго.
- Првично откако Паоло Малдини и Леонардо добија функции во италијанскиот фудбалски сојуз, овие двајца го сакаа Андреа Пирло за нов селектор. Претседателот на федерацијата Малаго категорично го одбил тој предлог после што двајцата после само 16 дена заминале од функцијата зошто „зборот не им вредел“.
- За нов технички директор е назначен Клаудио Раниери.
- Роберто Манчини за некој ден ќе биде претставен како нов селектор на Италија. Тој веќе ги водеше аѕурите и им донесе европска шампионска титула во 2021 во епското финале против Англија на „Вембли“. Тој беше тренер и на Лацио, Интер, Галатасарај и Зенит а ја водеше и селекцијата на Саудиска Арабија.
