- Македонските претставници Шкупи и Шкендија ги дознаа своите евентуални ривали во следните рунди од еврокуповите.
- Чаирскиот состав доколку го мине ирски Шамрок во 3. коло од квалификации за Лига Европа, ќе се сретне во плејофот со поразениот од мечот Карабах - Ференцварош кои играат за ЛШ. Доколку испаднат од Шамрок, Чаирчани ќе играат за Лига Конференции против косовски или тим од Фарски Острови.
- Шкендија игра против шведски АИК од Солна во 3. коло. Ако направи сензација и помине, во плејофот за ЛК ги чека Фенербахче или Словачко.
- ФИФА објави извештај од вкупната заработка на фудбалските менаџери која се однесува за периодот 1 јануари - 1 декември 2025.
- Изнесува 1,37 милијарди долари, 90% повеќе од минатата година. Претходниот рекорд бил 890 милиони долари, регистриран во 2023-та.
- Најголеми трошачи се англиските клубови, кои за менаџери издвоиле 375 милиони долари, а втори се германските клубови со 165 милиони долари.
- Оваа година, клупските агенти биле вклучени во вкупно 3.010 меѓународни трансфери, што е нов рекорд и зголемување од 38% во споредба со лани.
- „Без инфраструктура не може да барате и да очекувате врвни резултати, и токму тоа е процесот или реформите кои ги започна Министерството за спорт. Мислам дека тоа не е процес кој може да даде резултати преку ноќ, меѓутоа, драго ми е што се забележува и во јавноста дека спортската инфраструктура ги прави првите чекори на промените во спортот или реформите во спортот“, вели министерот за спорт Борко Ристовски во интервју за МИА
- „Министерството за спорт не може да креира успеси во спортот. Успесите ги креираат федерациите, клубовите, тренерите. Ние сме тука да направиме услови што е можно подобри за тие луѓе да можат да работат и да создаваат успеси.“
- „Мислам дека имаме повеќе приоритети. Еден од нив е донесувањето на новиот закон за спорт, подобрување на спортската инфраструктура, обезбедување на средствата или субвенциите од државата на вистински начин и со тоа да стимулираме што е можно повеќе спортски резултати.“
