- Белградските медиуми се повикуваат на израелски извори и претпладнево пишуваат дека актуелниот српски шампион веќе договорил соработка со познатиот израелски стручњак Барак Бахар кој го води Макаби Хаифа.
- Поради одличните резултати во изминатите години на евро сцена, српскиот шампион стекна право од септември директно да игра во групна фаза на Лига на шампиони, а второпласираниот од српската лига да игра во квалификациите за Лига на шампиони, па оттука Барак го прифатил овој предизвик.
- Токму израелскиот шампион и актуелен лидер Макаби Хаифа ја исфрли Црвена звезда во плејофот за ЛШ минатата година, а во групна фаза играа добро со ПСЖ, Јувентус и Бенфика. Белградскиот клуб во моментов има огромна предност над второпласираниот и речиси сигурно ќе игра во ЛШ од есен.
- Најдобриот светски тенисер на сите времиња според многумина, Новак Ѓоковиќ во објава на Инстаграм му честиташе победа против Велс на неговиот добар пријател Един Џеко со натпис: „Браво Едине, браво БиХ!“, а сега допатувал во Босна и Херцеговина за да го следи дуелот БиХ - Италија.
- Овие две селекции вечерва од 20:45 ќе играат на стадионот „Билино Поље“ во Зеница за пласман на Светско првенство 2026.
- Ѓоковиќ го искористил патот во БиХ и по седми пат да отиде кај фамозните „Босански пирамиди“ каде домаќин повторно му беше Семир Османагиќ.
- Легендарниот голман и капитен на репрезентацијата на Бугарија и долгогодишен претседател на Бугарскиот фудбалски сојуз, Борислав Михаилов починал утрово во Софија. Тој почина на 63 години после долго боледување.
- Михаилов од минатата година беше во вештачка кома и не успеа да преживее и покрај големите напори од лекарите и најблиското семејство, пишува бугарски ДСпорт.бг.
- Борислав имаше 102 натпревари за репрезентацијата и важи за најдобриот голман во историјата на Бугарија. Неговиот син Николај Михаилов исто така беше голман и капитен на бугарската репрезентација а токму тој ја соопштил тажната вест за татко му.
- Михаилов бранеше за Бугарија на Мундијалот 1986 во Мексико каде запиша 4 настапи и на кулното Светско првенство 1994 во САД каде Бугарите направија чудо, стигнаа до полуфинале а Борислав претходно во четвртфиналето против Мексико ги спаси со две бравурозни одбрани. Бранеше и за Левски, Белененшеш, Мулуз, Ботев, Рединг, Славија и Цирих.
- Од 2000-та беше член на Извршниот одбор на Бугарскиот фудбалски сојуз а од 2005-та го избраа за претседател, функција која ја вршеше цели 18 години пред да ја напушти функцијаа поради болест.
