Offside › Набрзинка

Историски момент во мак фудбалот, главен судија ќе биде жена

30 март 2023

Најдобрата македонска судијка, Ива Пројковска, ќе биде запишана во историјата како прва жена која на мечот Шкендија - Победа ќе ја дели правдата во македонскиот прволигашки фудбал.
Се работи за првата наша интернационална ФИФА судијка, која стана дел од елитната група на топ 20 судии во Европа.
Судеше финале на ЕП У-19, четвртфинале во Лига на шампиони за жени, а стигна и до сениорско Европско првенство за жени.

24 февруари 2026

Еден од најдобрите фудбалери во историјата на Атлетико Мадрид, 34-годишниот Французин Антоан Гризман е на прагот од заминување од црвено-белиот дрес а како следна можна дестинација се споменува Орландо Пајратс во МЛС лигата во САД.
За Атлетико Мадрид Гризман одигра 480 натпревари до сега на кои постигна 210 гола и имаше 95 асистенции со што е најдобар стрелец во историјата. За Атлетико Мадрид игра во два мандати, од 2014 до 2019 и од 2021 до сега сезонава 2025/2026.
Тој ја започна кариерата во младинците на Реал Сосиедад од каде се пресели во Атлетико Мадрид во јули 2014-та. Играше уште и за Барселона во рекорден трансфер од 120 милиони евра а потоа се врати назад дома во Атлетико каде е сакан од навивачите.

24 февруари 2026

Според документите до кои дојде Gol.mk, од австриски обложувалници стигна сигнализација за нетипично зголемување на уплата на исходот на натпреварот од минатата сезона на Втората македонска фудбалска лига помеѓу Башкими и Вардар Неготино, одигран на 24 март 2025 година, кој заврши со победа на домашната екипа со 5-2.
Според информацијата на ланецот на обложувалници во Австрија, извршени се 14 уплати од четири сметки во Австрија за различни игри и за само 40 минути била обезбедена добивка од 40.000 евра.
Gol.mk пишува дека оваа информација веќе пристигнала до македонската полиција, која ги известила Обвинителството во Куманово и соодветните инстанци. По прегледување на IP адресите на лицата кои ја извршиле уплатата, наводно сомнежот е насочен кон лица блиски до сопствениците на Башкими.