- Седуммина хрватски навивачи се уапсени во Париз поради нацистичко салутирање за време на натпреварот Франција - Хрватска во Париз кој се играше во неделата вечер на стадионот „Стад де Франс“.
- Шефот на париската полиција Лоран Нуњез соопштил дека десетина хрватски изведувале нацистички поздрави за време на интонирање на хрватската химна а во текот на првиот дел и ги повториле тие гестови. По крајот на натпреварот кој Французите го добија на пенали, уапсени биле и пред суд ќе бидат изведени седум лица.
- На трибините во Париз имало околу 400-500 хрватски навивачи. Кај некои биле пронајдени и шипки, телескопски палки, дрвени палки и димни бомби.
- По сјајните златни одличја на РК Вардар 1961 кој стана двократен европски шампион во Лига на шампиони и ЖРК Кометал Ѓорче Петров кој исто ја освои европската титула, РК Алкалоид денес стана првак во Европскиот Куп на ЕХФ.
- По одлука на Европската куќа на ракометот, епилогот од реванш мечот меѓу Алкалоид и АЕК е службена победа на скопскиот тим 20:0 што значи дека „фармацевтите“ се нови шампиони во Европскиот Куп.
- Кире Лазаров стана прв македонски тренер со освоен европски трофеј. Претходно Вардар 1961 го водеа Раул Гонзалес и Роберто Гарсија Парондо до евро-титулите а Кометал Ѓорче Петров освои со рускиот стратег Александар Панов.
Фото: Epa Images
- Раководството на Интер откако се раздели со Симоне Инзаги кој заминува за годишна плата од страшни 25 милиони евра во клубот Ал Хилал во Саудиска Арабија, сега е во потрага по негов наследник.
- Најголема желба им беше Сеск Фабрегас кој имаше одлична сезона со скромниот Комо. Но газдата на овој клуб кој важи за еден од најбогатите луѓе на светот не сакал да слушне за заминување на Шпанецот и директно им јавиле на Интер дека не го даваат.
- Во меѓувреме нераѕурите се вртат кон нивниот некогашен играч Кристијан Киву кој сезонава ја водеше Парма. Киву беше дел од шампионската генерација предводена од Жозе Мурињо која освои историска триплета.
