Foto: EPA
- Со головите на Џереми Доку и дебитантскиот на Матеус Нунес, Манчестер Сити го совлада второлигашот Ватфорд со 2:1 и обезбеди осминафинале во Лига Купот.
- Само Доку и Кајл Вокер беа во првата постава од стартерите на мечот против Арсенал викендов, а од важните играчи настапија и Џон Стоунс, Џек Грилиш, Нунес и Фил Фоден.
- Критиките за збиениот распоред со купишта натпревари од домашно првенство, ФА Куп, Лига Куп, Лига на шампиони, Клупско светско првенство, Лига на нации, редовни квалификации, пријателски...зема замав и оваа сезона во која впрочем Гвардиола остана без Родри кој скина лигаменти.
- „Следното коло ви најавувам ќе играм со втор тим. Нема сигурно да трошиме енергија. Играме за да поминеме. Никогаш не се откажуваме од некое натпреварување. Никогаш. Но, игравме пред 50 часа. Нема да ги ризикувам Премиер лигата и Лигата на шампионите, поради ова натпреварување“, изјави Пеп Гвардиола.
- Родената штипјанка Андреа Нисева на Европското првенство во борење за кадети (до 17 години) во Скопје освои бронзен медал, но не за Македонија, туку за репрезентацијата на Бугарија, иако желбата беше да се бори за македонската репрезентација.
- „Имав голема поддршка од моите клупски пријатели од Олимпија од Штип. Морам да истакнам дека Маријан Атанасов кој живее во Англија, како и Љубиша Пешко кој живее во Шведска специјално дојдоа да ми дадат поддршка и да ме бодрат од трибините извикувајќи Македонија, Македонија, иако знаеја дека настапувам за Бугарија“,
- „Градот Штип овој медал го смета за свој, бидејќи јас учам, спортувам, другарувам и растам во овој град и можам гордо да кажам дека јас сум штипјанка, Македонка и никој не може да ми го земе тоа право“.
- „Се борам за Бугарија бидејќи не ми е дозволено од Боречката федерација и мојот клуб Олимпија го дискриминираат и не му даваат право за настап. Цела македонска јавност веќе го знае проблемот. Министерот беше во Штип и вети пред целата јавност дека ќе го реши проблемот со дискриминацијата, но од тоа ветување ни трага ни глас“, вели Нисева за ipon.mk
- Претседателот на Ракометната федерација на Словенија, Бор Розман, најави дека неговата земја заедно со Македонија и со Србија се во преговори за поднесување заедничка кандидатура за организирање на Европското првенство 2034 година.
- Според првичните најави, Македонија би била домаќин на група во првата фаза, како и на натпреварите од вториот сегмент.
- Словенците би организирале натпревари од двете фази, како и од полуфиналето, додека во Србија би се играла завршницата на шампионатот поради капацитетот на салата.
- Македонија досега беше домаќин на женско ЕП 2008 самостојно и заеднички со Црна Гора и Словенија на ЕП 2022.
