- Фудбалската судбина е чудна и необична. Така на 40-годишниот голман на Милан Антонио Миранте му се погоди својот прв старт од почеток после две годин да го има во големото дерби против Јувентус.
- Миранте е трет голман на Милан по неприкосновениот Французин Меињан и по резервниот втор голман, Марко Спотиело. Првиов во минатото коло доби црвен картон на мечот со Џенова каде бранеше Жиру на крајот, а вториот во меѓувреме се повредил, па Милан останал на само еден искусен голман.
- 40-годишниот Миранте последен пат бранел во Серија А на 18 април 2021-ва година кога го чувал голот на Рома во поразот од Торино. Во декември 2022 бранел за Милан на пријателска против ПСВ (пораз 3:0 во Ајндховен). Резерва на Миранте на дербито со Јувентус во недела ќе му биде 19-годишниот Лапо Нава кој важи за голем талент.
- Миранте е дете на Јувентус а бранеше и за Кротоне, Сиена, Сампдорија, Јуве, Парма, Болоња и Рома.
- За прв пат по 2010-та, кошаркарските прволигаши пред стартот на сезоната закажан за 5/6 октомври, се ослободени од плаќање котизација, откако КФМ потпиша едногодишен договор со телекомуникациска компанија М-Тел, кој ќе биде генерален спонзор за Првата машка кошаркарска лига.
- „Досега, лигата имала четири спонзори од основањето. По 14 години, се надеваме дека почнуваме една нова цел, а тоа е промовирање и привлекување на што повеќе спонзори во кошарката и воопшто во мак-спортот. Кога дојдовме, котизацијата беше 10.000 евра, ја намаливме на 8.000 евра, а сега ја остваривме една од главните амбиции и цели, тоа е да најдеме спонзор, кој во целост ќе ги покрива сите трошоци на клубовите. Нашите амбиции се да ја покриеме и женската лига и младинските лиги. Веќе сме во започнати преговори, има интерес и се надевам дека за брз период истото ќе може да го промовираме и во останатите шампионати“, изјави генералниот секретар на КФМ, Владимир Георгиевски
- Инаку кошаркарските прволигаши имаат огромни долгови кон Куќата на кошарката, кои во моментот се движат околу 200.000 евра, а тоа се должи на доцнењето на државната помош, односно ваучерите кои требаше да ги добијат уште во јануари.
- Само неколку дена по тешките инциденти во Кавадарци каде навивачи и официјални лица на фудбалскиот клуб Тиквеш мртви-ладни физички нападнаа официјални лица на Вардар па со предмет го погодија и помошникот судија (ФФМ им изрече блага казна да не играат на домашен терен), сега нов циркус во Неготино.
- По натпреварот од втора лига меѓу Вардар Неготино и Охрид Лихнидос, гостинскиот голман Андов бил нападнат и удрен од неофицијално лице кое упаднало на теренот без никаков проблем.
- „По завршување на мечот нашиот голман како и уште неколку наши фудбалери беа физички нападнати од неофицијални лица на теренот. Исто така и минатата сезона бевме сведоци на слични случувања во Неготино но немаше реакција од наша страна. Бараме сега реакција од одговорните лица во федерацијата“, стои во соопштението на Охрид Лихнидос.