Најбаран млад фудбалер во Европа во моментов е 16-годишниот Рожер Фернандеш кој игра како крило за португалскиот клуб Брага.
Фернандеш е роден на 21 ноември 2005-та година, а за него се борат големите клубови. Ајакс неодамна понудил 15 милиони евра чисти без никакви клаузули и бонуси, но газдата на Брага Антонио Салвадор рекол дека не сака да слушне за ништо под 40 милиони евра.
Малиот Фернандеш е роден во Бисао, главниот град на Гвинеја Бисао а за првиот тим на Брага дебитираше на 31 јули 2021 година и со 15 години, 8 месеци и 12 дена стана убедливо најмладиот играч кој дебитирал во силната португалска Примеира Лига.
На 17 октомври 2021 година на меч од Купот на Португалија против нисколигашот Мојтенсе Рожер Фернандеш го постигнал својот прв гол за Брага и станал најмладиот стрелец во историјата на клубот и на португалскиот фудбал воопшто.
Новак Ѓоковиќ објави дека негов нов тренер кој ќе го спрема за Австралија Опен и за некои други турнири е неговиот добар другар од детство и долгогодишен ривал на тениските терени Енди Мареј.
Легендарниот шкотски тенисер ја заврши својата богата кариера на Олимписките Игри во Париз а сега ќе заплива во тренерски води и ќе соработува со Новак Ѓоковиќ.
Србинот и Мареј во кариерата одиграа 36 меѓусебни дуели. Ѓоковиќ славеше на 25 меча а 11 пати подобар беше Мареј. Енди во кариерата освои две титули на Вимблдон и една на УС Опен а има и две олимписки злата кои ги освои во 2012 и 2016.
„Возбуден сум што еден од моите најголеми ривали ќе биде со мене од иста страна на мрежата, овојпат како мој тренер. Се радувам што сезоната ќе ја започнам заедно со Енди и што ќе биде со мене баш во Мелбурн каде делевме многу исклучителни моменти во кариерата“, изјави Новак Ѓоковиќ.
Во самиот финиш од мечот Романија - Косово во Лига на Нации, гостинските фудбалери во 90' минута кога сфатија дека немаат веќе шанса за прво место за кое им требаше победа од најмалку три гола разлика, при резултат 0-0 решија да го напуштат теренот поради тоа што домашните навивачи им скандирале „Косово е Србија“.
УЕФА неколку дена го разгледуваше случајот, а на крајот пресуди Романија службено да го добие мечот со победа од 3:0. Косовскиот фудбалски сојуз е казнет и со 6.000 евра парична казна поради тоа што репрезентативците ги одбивале повиците на делегатот да се вратат на теренот и да го довршат мечот.
Романија ќе мора да плати 128.000 евра и еден меч ќе мора да игра без присуство на публика поради односот на своите навивачи.
